මුලතිව් ඔඩ්ඩුසුඩාන් කත්සිලෙයිමඩු ප්‍රදේශයේ විශේෂ සෝදිසි මෙහෙයුමකදී ප්‍රධාන මාර්ගයේ ධාවනය වූ ටිපර් රථයක් පොලිස් අණනොතකා ධාවනය කිරීමෙන් එම ටිපර් රථයට වෙඩිතැබීමක් සිදුකොට රියදුරු සිය බාරයට ගත් බවට පොලීසිය පවසයි .
ඔඩ්ඩුසුඩාන් පොලීසිය සහ පොලිස් විශේෂ කාර්ය බලකා නිලධාරීන් විසින් මත්දුව්‍ය ජාවාරම් හේතුවෙන් පොලිස් නිල සුනඛයින්ද යොදාගනිමින් මාන්කුලම් මුලතිව් ප්‍රධාන මාර්ගයේ විශේෂ සෝදිසි මෙහෙයුමක් කරන ලද අතර එහිදී මාන්කුලම් සිට පුදුකුඩිඉරිප්පු දෙසට ධාවනය වූ ටිපර් රථයකට මෙලෙස වෙඩි තබා ඇති බව සදහන්.
ටිපර් රථ රියදුරු විසින් පොලිස් අණ නොතකා ධාවනය කිරීම හේතුවෙන් පොලිස් විශේෂ කාර්ය බලකා නිලධාරීන් විසින් ටිපර් රථයේ පසුපස රෝදවලට වෙඩිතබා ටිපර් රථය නවතා එහි රියදුරු පොලිස් භාරයට ගනු ලැබීය.
ටිපර් රථයේ නීතිවිරෝධී කිසිවක් හමු නොවී ඇති අතර රියදුරු පොලිස් අණනොතකා ධාවනය කිරීමට හේතුව අනාවරණය වී නොමැති බව සදහන්.