1875 දී අධිරාජ්‍යවාදීන් ශ්‍රී ලංකාව යටත් කරගෙන ඔවුන්ගේ භාෂාවේ සිට සියලුම සංස්කෘතීන් ශ්‍රී ලංකාවේ රෝපණය කරන ලද්දේ ඔවුන්ට ගැතිකම් කරනා පරපුරක්ද බිහිකරමිනි. ශ්‍රී ලංකාවේ සංස්කෘතිය අලුත්කරමින්, ඔවුන් විසින් ආරම්භ කරන ලද රජ පෙරහැර ප්‍රථම වරට පැවැත්වුයේ 1875 දීය. 1815 දී ශ්‍රී ලංකාව යටත් කරගත් ඔවුන් ශ්‍රී ලංකාවේ ප්‍රධාන සංස්කෘතික මංගල්‍යයට අලුතින් කොටසක් එක්කරමින් මෙසේ රජ පෙරහරක් පවත්වා තිබේ.
මෙම ආකාරයට සංවිධාන කළ පළමු පෙරහර 1875 දී පවත්වා ඇත්තේ වික්ටෝරියා රැජිණගේ පුත් වේල්ස්හී ආදිපාදවරයා ශ්‍රී ලංකාවට පැමිණීම මුල් කර ගනිමිනි. 1954 දී ලංකාවේ රාජ්‍ය නායිකාව වූ දෙවැනි එලිසබෙත් රැජිණ ලංකාවට පැමිණීමෙන් පසුවද ජනරජ පෙරහරක් පවත්වා ඇති අතර රැජිණ පත්තිරිප්පුවෙහි සිට එය නැරඹූ බව ඉතිහාසයේ සඳහන් වේ.
1972 දී ශ්‍රී ලංකාව ජනරජයක් වීමෙන් පසු භාවිතා කල “රජ” කොටස ඉවත්කර 1981 දී ජනරජ පෙරහරක් ලෙස මෙය පවත්වා තිබේ. එය නැරඹීම සඳහා ද දෙවැනි එලිසබෙත් රැජිණ පැමිණ ඇති අතර මහ මළුවේ තැනූ විශේෂ පීඨිකාවක සිට එය නරඹා තිබේ.
ඉන් අනතුරුව 1987 වසරේ එවකට ශ්‍රී ලංකාවේ අග්‍රාමාත්‍ය රණසිංහ ප්‍රේමදාස මහතා විසින් ද ජනරජ පෙරහරක් පවත්වා තිබේ. ඉන් අනතුරුව හෙට (19) පැවැත්වෙන මෙම පෙරහර පවත්වන්නේ වසර තිස් හතරකට පසුවය. මෙම පෙරහැර සදහා මහනුවර ඓතිහාසික ශ්‍රී දළදා මාලිගාවේ දියවඩන නිලමේ නොහොත් 1815 ට පෙර රජ්ජුරුවන්ට දිය නෑම, අහාරගැනීමට ආදී අවස්ථාවලදී ආවතේව කල කරමින් පැන් (ජලය) සැපයු තනතුර හොඹවන ප්‍රදීප් නිලංඟ දෑල මහතාගේ ප්‍රධානත්වයෙන් පවත්වන ජනරජ පෙරහර පෙබරවාරි 19 වැනිදා හවස 06.30 ට පමණ මහනුවර නගරයේදී වීථි සංචාරය කිරීමට නියමිතයි.
75 වැනි නිදහස් සැමරුමට සමගාමීව සංචාරක කර්මාන්තය දියුණු කරගැනීමේ මූලික පරමාර්ථයෙන් මෙය පැවැත්වෙන බව ඊයේ (17) රජය ප්‍රවෘත්තී දෙපාර්තමේන්තුවේදී පැවති මාධ්‍ය සාකච්චාවකදී අනාවරණය විය. එහි සමාරම්භක අවස්ථාව ජනාධිපති රනිල් වික්‍රමසිංහ මහතාගේ ප්‍රධානත්වයෙන් පැවැත්වේ. එසේම මෙම පෙරහරද ඉතිහාසයට එකතු වේ.
එදින ප.ව 6.30ට මහනුවර මඟුල් මඩුව භූමියෙන් ආරම්භ වන පෙරහර දළදා වීදිය, යටිනුවර වීදිය, කන්ද වීදිය ඔස්සේ පැමිණ රජ වීදියට පිවිස, නැවත මාළිගාවට ගෙවැදීමෙන් පෙරහරේ කටයුතු අවසන් වන බව අපගේ මහනුවර මාධ්‍යවේදීන් සදහන් කරන ලදී.
වාර්ෂික ඇසළ පෙරහර මෙන්ම අලි ඇතුන් සහ නර්තන කණ්ඩායම් ඇතුළු සියලු පෙරහර සංස්කෘතිකාංගවලින් මෙම ජනරජ පෙරහර විචිත්‍රවත් කිරීමට කටයුතු සූදානම් කර ජනමාධ්‍ය අමාත්‍යාංශයේදී අනාවරණය විය. එසේම මෙම පෙරහැර බෞද්ධ හෝ අතීත ශ්‍රී විභූතියට අනුව පැවත ආ පෙරහරක් නොවන අතර අධිරාජ්‍යවාදීන් බිහිකළ ශිෂ්ඨාචාරයේ නවතම සංස්කෘතික මංගල්‍යයකි. කෙසේ නමුත් ඔවුන්ගේ නව රාජ්‍ය සංකල්පය අනුව ශ්‍රී ලංකාවේ සංස්කෘතිය එකතුකරමින් එය පැවැත්වීම සුද්විශේෂි වන්නේ, ශ්‍රී ලංකාවේ විවිධ සංස්කෘතින් එකතුව බෞද්ධ දර්ශනයෙන් සහ අතීත ශ්‍රී විභූතියෙන් පිටතට ගොස් ඒවා ආරක්ෂා කිරීම වෙනුවෙන් මෙම රජ පෙරහැර ක්‍රියාත්මකව තිබෙන බවයි.
මෙම පෙරහරේ දී දන්ත ධාතූන් වහන්සේ වැඩම වීමක් සිදු නොකරන අතර, ඒ වෙනුවට ජනරජ ලාංඡනය ප්‍රදර්ශනය කරමින් වීථි සංචාරය කිරීම පමණක් සිදු කෙරේ. ඉන් කියවෙන්නේ රාජ්‍යයේ සියලුම සංස්කෘතික අංගයන් එකතුව, ඒවා සුරක්ෂා කිරීම බෞද්ධයන්ගේ ප්‍රමුඛතම පන්සල වන ශ්‍රී දළදා මාලිගාව මූලික කරගෙන සිදුකරන බවයි. ශ්‍රී ලාංකික ශ්‍රී විභුතිය සුරක්ෂා කිරීම වෙනුවෙන් අධිරාජ්‍යවාදී එංගලන්ත ප්‍රභූන් කටයුතු කර තිබෙන්නා සේම, ඔවුන් නොමග යැවූ කපටි සිංහලයන් මෙරට විනාශ කර තිබේ. එසේම වර්තමානයේද ශ්‍රී ලංකාව වනසන්නේ එංගලන්ත වැසියන් නොවේ. ශ්‍රී ලාංකික සමහර දේශපාලන නායකයන් සහ ඔවුන්ගේ අතවැසි සිවිල් සහ රාජ්‍ය නිලධාරීන්ය. කෙසේ නමුත් වර්තමාන ජනාධිපති රනිල් වික්‍රමසිංහ මහතාද ඉතිහාසයට එකතුවන්නේ 75 වැනි නිදහස් දිනය වෙනුවෙන් මෙසේ රජ පෙරහැරක් පැවත් වූ ජනපතිවරයෙක් ලෙසය. අරගල, ආර්ථික දුෂ්කරතා , දූෂණ, වංචා ඇතුළු දහසක් ප්‍රශ්න මැද ජනාධිපති වූ වර්තමාන ජනාධිපති රනිල් වික්‍රමසිංහ මහතාද ඉතිහාසයට එකතු වන්නේ අරගල මැදින් සියලුම දේ ඉටුකිරීමට උත්සාහ කල පාලකයෙකු ලෙස විය හැකිය.
