ලොරි රථයකින් ප්‍රවාහනය කරමින් තිබූ අයිස් නමැති මත්ද්‍රව්‍ය තොගයක් සමග පුද්ගලයින් දෙදෙනෙක් මුරුංකන් පොලිස් ස්ථානය අසල මාර්ග බාධකය අසලදී අත්අඩංගුවට ගෙන ඇත.
ඒ අනුව අයිස් මත්ද්‍රව්‍ය කිලෝ 09යි ග්‍රෑම් 920ක් මෙලෙස අත්අඩංගුවට ගෙන ඇති බවයි වාර්තා වන්නේ.
ඊයේ (01) රාත්‍රියේ දී ලොරි රථයකින් මත්ද්‍රව්‍ය ප්‍රවාහනය කරන බවට ලද තොරතුරකට අනුව ක්ෂණික මාර්ග බාධකයක් යොදා වාහන පරීක්ෂා කර ඇති බවත් එහිදී අදාළ ලොරි රථය අණ නොතකා ධාවනය කර ඇති අතර පොලිසිය විසින් එම ලොරි රථය හාඹාගොස් පරීක්ෂා කිරීමේ දී මෙම මත්ද්‍රව්‍ය තොගය හමු වී ඇත.
මෙලෙස අත්අඩංගුවට ගත් පුද්ගලයින් දෙදෙනා වයස අවුරුදු 30 හා 42 හැවිරිදි වව්නියාව ප්‍රදේශයේ පදිංචිකරුවන් වන අතර අදාළ සැකකරුවන් දෙදෙනා අද (02) මන්නාරම මහෙස්ත්‍රාත් අධිකරණය වෙත ඉදිරිපත් කිරීමට නියමිතය.