ආසියානු කුසලාන අවසන් මහා තරඟයට ශ්‍රී ලංකාව සහ පාකිස්ථානය තේරීපත් විය.

2022 ආසියානු කුසලාන 20යි 20 ක්‍රිකට් තරඟාවලියේ අවසන්  මහා තරඟය සඳහා ශ්‍රී ලංකා කණ්ඩායම සහ පාකිස්ථාන කණ්ඩායම සුදුසුකම් ලබා ඇත.

සුපිරි සිව්දෙනාගේ වටයේ ඊයේ (07) දිනයේ පැවති තරඟයෙන් පාකිස්තාන කණ්ඩායම ඇෆ්ගනිස්ථාන කණ්ඩායම පරදවා එක් කඩුල්ලකින් ජයක් හිමිකර ගැනීමත් සමග ය.

ඇෆ්ගනිස්ථාන කණ්ඩායම පළමුවෙන් පන්දුවට පහර දෙමින් පන්දු වාර 20ක් අවසානයේ කඩුලු 06ක් දැවී ලකුණු 129ක් රැස්කර ගැනීමට හැකි විය.

පිළිතුරු ඉනිම සඳහා පිටියට පිවිසි පාකිස්ථාන කණ්ඩායම පන්දුවාර 19 යි පන්දු 02ක් තුළ කඩුලු 09ක් දැවී ජයග්‍රහණය වාර්තා කිරීමට සමත් විය.

මේ අනුව ඉන්දීය කණ්ඩායමට සහ ඇෆ්ගනිස්ථාන කණ්ඩායමට සුපිරි සිව්දෙනාගේ වටයේ තවත් තරඟ 02ක් ඉතිරිව තිබිය දී ආසියානු කුසලානයෙන් ඉවත් වීමට සිදුව ඇත.

මේ අතර එළඹෙන ඉරිදා දිනයේ ආසියානු කුසලාන අවසන් මහා තරඟය ශ්‍රී ලංකාව සහ පාකිස්ථානය අතර පැවැත්වීමට නියමිතව ඇත.