උසස් පෙළ නැවත සමීක්ෂණ ප්‍රතිඵල නිකුත් කෙරේ

අධ්‍යන පොදු සහතික පත්‍ර  උසස් පෙළ විභාගයේ නැවත සමීක්ෂණ ප්‍රතිඵල නිකුත් කර ඇති බව විභාග දෙපාර්තමේන්තුව සඳහන් කරයි.

ඊයේ (29) රාත්‍රියේ අදාළ ප්‍රතිඵල නිකුත් කර ඇත.

සිසුන් 48,810 දෙනෙකු මෙවර උසස් පෙළ විභාගයේ ප්‍රතිඵල නැවත සමීක්ෂණය සඳහා යොමු කර තිබුණි.

ඒ අනුව විභාග දෙපාර්තමේන්තුවේ නිල වෙබ් අඩවිය වන www.doenets.lk වෙබ් අඩවිය වෙත පිවිස නැවත සමීක්ෂණ ප්‍රතිඵල ලබා ගැනීමේ හැකියාව ඇති බව විභාග දෙපාර්තමේන්තුව සඳහන් කරයි.

එමෙන් ම ප්‍රතිඵල සම්බන්ධයෙන් යම් ගැටලුවක් ඇත්නම් විභාග දෙපාර්තමේන්තුවේ 0112 784 537, 0112 784 208, 0113 188 350 හෝ 0113 140 314 යන දුරකථන අංක වෙත දැනුම් දීමේ හැකියාව ඇත.