ශ්‍රී ලංකා ක්‍රිකට් ආයතනය විසින් සංවිධානය කරනු ලබන අන්තර් සමාජ පළමු පෙළ තුන්දින ක්‍රිකට් තරගාවලියේ අවසන් මහා තරගය සිංහල ක්‍රීඩා සමාජය සහ පොලිස් ක්‍රීඩා සමාජය අතර කොළඹ එන්. සී. සී. ක්‍රීඩා පිටියේදී අද (8 වැනිදා) ආරම්භ වීමට නියමිතව තිබෙන බව වාර්තා වේ .
මෙම තරගය සිව්දින තරගයක් ලෙස පැවැත්වීමට කටයුතු යොදා ඇති අතර කල්දැමූ අන්තර් සමාජ ආරාධිත කාන්තා එක්දින තරගාවලියේ අවසන් මහා තරගය සහ අන්තර් සමාජ ‘බී’ කාණ්ඩයේ එක්දින තරගාවලියේ අවසන් මහා තරගය ද අද (08) පැවැත්වීමට කටයුතු සූදානම් කොට ඇති බව සඳහන් .
අන්තර් සමාජ ආරාධිත කාන්තා එක්දින තරගාවලියේ අවසන් මහා තරගය බී. ආර්. සී. ක්‍රීඩා පිටියේදී යුද හමුදා කණ්ඩායම සහ ගුවන් හමුදා කණ්ඩායම අතර පැවැත්වීමට සැලසුම්කර තිබෙන අතර සැරසන්ස් ක්‍රීඩා සමාජය සහ මොරටුව ක්‍රීඩා සමාජය සුදුසුකම් ලබා සිටින ‘බී’ කාණ්ඩයේ එක්දින තරගාවලියේ අවසන් මහා තරගය එස්. එස්. සී. ක්‍රීඩා පිටියේදී පැවැත්වීමට නියමිතව තිබේ.