ඔස්ට්‍රේලියානු ඩොලර් බිලියන 1.6ක වටිනාකමකින් යුතු අයිස් මත්ද්‍රව්‍ය තොගයක් භාණ්ඩ ප්‍රවාහන බහලුමක තිබී සොයාගත් බවයි එරට ආරක්ෂක අංශ සඳහන් කළේ.
මෙම අයිස් මත්ද්‍රව්‍ය තොගය ඔස්ට්‍රේලියානු පොලිසිය විසින් සිදුකරන ලද විශේෂ මෙහෙයුමක දී සොයාගෙන ඇති බව වාර්තා වේ.
මෙම මත්ද්‍රව්‍ය තොගය එරටින් හමු වූ විශාලම මත්ද්‍රව්‍ය තොගය ලෙස සැලකේ.
මෙම මත්ද්‍රව්‍ය තොගය අදාළ බහලුමේ කිරිගරුඬ කැට තුළ සුක්ෂම ලෙස සඟවා තිබිය දී සොයාගෙන ඇති අතර මෙසේ සොයාගන්නා ලද අයිස් මත්ද්‍රව්‍ය ප්‍රමාණය කිලෝ 1,000කට අධික බව වාර්තා වේ.
විදෙස් මාධ්‍ය වාර්තා කළේ මේ සම්බන්ධයෙන් පුද්ගලයින් තිදෙනෙකු මේ වන විට පොලිසිය විසින් අත්අඩංගුවට ගෙන ඇති බවයි.