උතුරු කොරියා නායක කිම් ජොං අන් සිය දියණිය සමග දිගු දුර මිසයිලය දියත් කිරීමේ අවස්ථාව නැරඹීම සදහා පැමිණ සිටි ඡායාරූප කිහිපයක් එරට මාධ්‍ය ප්‍රසිද්ධියට පත්කර තිබේ.
උතුරු කොරියාව විසින් අවසන් වරට අත්හදා බලන ලද දිගු දුර මිසයිලය අත්හදා බැලීමේ අවස්ථාවට මොහු මෙසේ සිය දියණිය සමග එක්ව සිට ඇත.
විදෙස් මාධ්‍ය වැඩිදුරටත් සදහන් කළේ උතුරු කොරියාවේ රාජ්‍ය මාධ්‍ය කිම් චු ඒ ඇය ගැන හෝ ඇයගේ ඡායාරුප ප්‍රසිද්ධියට පත්කළ ප්‍රථම අවස්ථාව මෙය බවයි.
මාධ්‍ය විසින් කිම් ජොං අන්ගේ පෞද්ගලික ජීවිතය පිලිබඳ වැඩිදුර තොරතුරු සදහන් නොකරන අතර 2009 වසරේදී ඔහු හිටපු ගායිකාවක් වූ රි සොල් ජු සමග විවාහ වී මේ වන විට දරුවන් තිදෙනෙක් සිටින බව ද විදෙස් මාධ්‍ය වාර්තා කර ඇත.