විශේෂ කාර්ය බලකාය ගෝනහේන කඳවුරේ නිලධාරීන්ට ලද තොරතුරකට අනුව බදාදා (8) දින මීගමුව පොලිස් වසමේ ගණේමුල්ල අන්නාසිවත්ත මාර්ගයේ වැටලීමක් සිදුකර සංවිධානාත්මක අපරාධකරුවකු වන ”මැගියා” නොහෙත් දිප්පිටිගොඩ ළහිරුගේ ගෝලයන් දෙදෙනෙකෙු හෙරොයින් සමඟ අත්අඩංගුවට ගෙන ඇති අතර හෙරොයින් ග්‍රෑම් 08 ක් සන්තකයේ තබාගෙන සිටි ගණේමුල්ල ප්‍රදේශයේ පදිංචි අවුරුදු 26 ත් 36ත් අතර පුද්ගලයන් දෙදෙනෙකු ජංගම දුරකථන දෙකක් සමඟ අත්අඩංගුවට ගෙන වැඩිදුර විමර්ශන කටයුතු සඳහා ගණේමුල්ල පොලිස් ස්ථානය වෙත භාර දී තිබේ.
අත්අඩංගුවට ගත් සැකකරුවන් සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවෙකු වන සංජිව කුමාර සමරරත්න නොහොත් ගණේමුල්ල සංජිව යන අයගේ සමිපතමයෙකු වන වර්තමානයේ ඩුබායි රාජ්‍ය රැදි සිටින සංවිධානාත්මක අපරාධකරුවෙකු සහ මත්ද්‍රව්‍ය ජාවාරම්කරුවෙකු වන මැගියා නොහොත් දිප්පිටිගොඩ ළහිරු යන අයගේ මෙරට මත්ද්‍රව්‍ය ජාවාරම් හා සංවිධානාත්මක අපරාධ සිදුකරනු ලබන බවට තොරතුරු අනාවරණය වී තිබේ.
