කොකේන් වර්ගයේ මත්ද්‍රව්‍ය කිලෝග්‍රෑම් 2යි ග්‍රෑම් 294 ක් සමග විදෙස් ජාතිකයකු නාරාහේන්පිට ප්‍රදේශයේදී අත්අඩංගුවට ගෙන ඇති බව වාර්තාවේ.
මෙම විදෙස් ජාතිකයා පිලිපීන ජාතිකයකු වන අතර ඔහු හා තවත් පුද්ගලයකු ලැඟුම්හලක් තුල සිටියදී පොලිස් මත්ද්‍රව්‍ය නාශක කාර්යංශයේ නිලධාරීන් හට ලද තොරතුරක් අනුව එම නිලධාරීන් රේගු මත්ද්‍රව්‍ය නිවාරණ කාර්යංශය සමග එක්ව සිදුකළ වැටලීමකදී මෙම මත්ද්‍රව්‍ය තොගය සමග සැකකරුවන් අත්අඩංගුවට ගෙන තිබේ.
වැටලීමේදී කොකේන් මත්ද්‍රව්‍ය තොගය සමග පිලීපන ජාතිකයා අත්අඩංගුවට ගෙන සිදුකළ ප්‍රශ්න කිරිම්වලදී මත්ද්‍රව්‍ය මිලදී ලබාගැනීමට එම ලැඟුම්හල වෙත පැමිණි පුද්ගලයෙකු රුපියල් ලක්ෂ 07ක මුදලක් සමග අත්අඩංගුවට ගෙන තිබේ.
මෙලෙස අත්අඩංගුවට ගෙන ඇති පිලිපීන ජාතිකයා වයස අවුරුදු 28 ක් වනපුද්ගලයකු වන අතර ඔහු මාලිගාකන්ද මහෙස්ත්‍රාත් අධිකරණයට ඉදිරිපත් කොට රැඳවුම් නියෝග ලබාගෙන ඇති බවත් කිරුළපන ප්‍රදේශයේ පදිංචි 49 හැවිරිදි අනෙක් සැකකරු අධිකරණය වෙත ඉදිරිපත් කිරීමට නියමිත බව සදහන්වේ.