මහාචාර්ය චන්දිමා විජේගුණවර්ධන මහත්මිය පෙන්වා දෙන්නේ ශ්‍රී ලංකාවේ කාබනික පොහොර පිළිබඳ පනත් කෙටුම්පතක් තිබෙන බවත් එහි විදේශයන්ගෙන් මෙරටට කාබනික පොහොර රැගෙනවිත් ජනතාවට ලබා දීමට නොහැකි බව හා එයින් මතුවන ගැටලු පිළිබඳවත් සඳහන් බවයි.
ශ්‍රී ලාංකිකයන්ගේ ජාන වෙනස් කළ යුතුයි යන අවශ්‍යතාවය පවතින කණ්ඩායම් අතරට අලුතින් එක්වී ඇති රටක් ලෙස චීනය හැඳින්විය හැකි බවත් ඉතිහාසයේ සිටම බොහෝමයක් ජාතීන් ලාංකිකයන්ගේ ජාන විකෘති කිරීමේ අධිඨනින් සිටින බවයි ඇය පවසයි.
අද වන විට ජංගම දුරකථවලට ද වෙළඳ දැන්වීමක් ආකාරයට විවිධ දැන්වීම් නිකුත් කර තිබෙනවා ඉදිරියේ දී ශ්‍රී ලංකාව තුළ රැකියාවක් ලබා ගැනීමට නම් “මැන්ඩරීන්” භාෂාව ඉගෙනීම අත්‍යවශ්‍ය වන බවට.මෙම “මැන්ඩරීන් භාෂාව” යනු චීනයේ චීන ජාතිකයින් භාවිතා කරන ඔවුන්ගේ භාෂාව වන බව ද වැඩි දුරටත් ඇය සඳහන් කරයි.
එසේම චීනයේ දරුවන් ඉගෙනුම ලබන “වඳුරන්ගේ කතා” ලෙස හැඳින්වෙන කතා පොත් 15ක් ඇති අතර එම පොත් මගින් කුඩා කාලයේ දී දරුවන් අධ්‍යාපනය ලබා ගත යුතු ආකාරය පිළිබඳව සඳහන් වන බවත් මේ වන විට එම පොත් සිංහල භාෂාවට පරිවර්තනය කර ඇති බවත් ඇය පෙන්වා දුනි.
එමෙන් ම ඇය සැක පහලකරන්නේ එම කතා පසුකාලීනව ලංකාවේ කුඩා දරුවන්ගේ අධ්‍යාපනය වෙනස් කිරීමට ඔවුන්ගේ පෙළ පොත් තුලටද ඇතුලත් කළ හැකි බවටයි.
විශ්ව කෝෂය බැලූ විට එහි දැක්වෙනවා ශ්‍රී ලංකාවේ මේ වන විට අලුත් ජන කොටසක් ලෙස චීන ජාතිකයන් 4%ක ප්‍රතිශතයකින් දක්වා තිබෙන අයුරු.ඇය පෙන්වා දෙමින් කියා සිටින්නේ අපටත් නොදැනිම චීන ජාතිකයින් කෙමෙන් කෙමෙන් මෙරට තුළ ජීවත්වන බවයි.
ඇය විශේෂයෙන් සඳහන් කරන්නේ චීනයෙන් රැගෙන ඒමට උත්සහ දරන මෙම කාබනික පොහොර අපේ රටට දැමුවහොත් අපේ රට ජානමය වශයෙන් වෙනස් කිරීමට හැකිවන බවයි.
ඇය මාධ්‍ය සාකච්චාවක් පවත්වමින් මේ ගැන ප්‍රකාශ කර ඇති අතර පහත ලින්ක් එකෙන් සම්පූර්ණ කතාව නැරඹිය හැකිය.
