ජේෂ්ඨ මාධ්‍යවේදී චමුදිත සමරවික්‍රම මහතාගේ නිවසට පසුගිය පෙබරවාරි මස 14 වනදා ප්‍රහාරයක් එල්ල විය. ඔහු ජීවත් වන පිළියන්දල ප්‍රදේශයේ පිහිටි ඔහුගේ එම නිවසට ප්‍රහාරය එල්ල කිරීම සදහා පුද්ගලයින් සිව් දෙනෙකු සහභාගී වී තිබු බවට අනාවරණය විය.
දින ගනනාවක් ගියත් එම අපාරාධකරුවන් කවුදැයි යන්න අනාවරණය කරගැනීම ප්‍රමාද වීමත් සමගම ඔහුගේ ජීවිතාරක්ෂාව සම්බන්ධයෙන් ගැටළු පැමිණීම නිසා රාජ්‍ය ආරක්ෂාව ඉල්ලා කැස්බෑව මහේස්ත්‍රාත් අධිකරණයට මෝසමක් ඉදිරිපත් කලා අතාර එම මෝසමට ට අදාළව හෙට ( 25) එම අධිකරණයේ පෙනී සිටීමට නියමිතයි.
පසුගිය පෙබරවාරි 18 වැනි දින සමරවික්‍රම මහතා සඳහා ප්‍රමාණවත් ආරක්ෂාවක් ලබා දෙන ලෙස පොලිස් වින්ධිතයන් ආරක්ෂා කිරීමේ කොට්ඨාශයට අධිකරණය විසින් නියෝගයක් නිකුත් කල පසු නැවත පෙනී සිටින්නේ හෙට දිනයේය..
සමරවික්‍රම සදහන් කරන්නේ, සිද්ධිය සම්බන්ධයෙන් මෙතෙක් කිසිවකු අත්අඩංගුවට ගෙන නොමැති බවත් පොලිස් පරීක්ෂණ පිළිබඳව තමන් සෑහීමකට පත් නොවන බවයි. ඔහුට අනුව මෙම සිද්දිය සිද්ද වී සති හයක් ගතවී අති නමුත් විමර්ශන පිළිබදව යාවත්කාලින කිරීමක් නැති බවද අනෙකුත් මාධ්‍යවේදීන්ට එල්ල කලා ප්‍රහාරයන් සේ මෙයද නිහඩ වනු ඇතයි ඔහුට සිතෙන බව ඔහු සදහන් කරයි. නමුත් පොලිස් පරීක්ෂණ කෙරුනද ඒවායේ අවසානයක් ඒවායේ අවසානයක් නොමැති බවද, ඔහුගේ දිවි බේරුනේ ඔහුගේ වාසනාවට බවද ඔහු සදහන් කරන අතර ඔහුට පහර දුන්නේ කවුදැයි යන්න දැන ගැනීමට ඔහුට අයිතියක් තිබෙන බවද ඔහු සදහන් කරයි.
පොලිස් මාධ්‍ය ප්‍රකාශක ජ්‍යෙෂ්ඨ පොලිස් අධිකාරී (ජ්‍යෙෂ්ඨ පොලිස් අධිකාරී) නීතීඥ නිහාල් තල්දූවා මහතා සදහන් කරන්නේ පරීක්ෂණ සඳහා පොලිස් කණ්ඩායම් කිහිපයක් යොදවා ඇති බවයි.
රාවණා සටහන
මාධ්‍යවේදීන් සුරැකීමේ කමිටුවට අනුව, 2005 සිට 2015 දක්වා මාධ්‍යවේදීන් 13 දෙනෙකු ඝාතනය කර ඇති අතර තවත් අයට තර්ජනය කිරීම්, පැහැරගෙන ගොස් වධහිංසා පමුණුවා ඇති අතර, එම නඩු තවමත් අවසන්ව නැති බව ද මොර්නින්ග් පුවත් පත අනාවරණය කරයි. අප මේ සිද්දිය මෙන්ම මීට දින කිහිපයකට පෙර අරුණ පුවත් පතේ කතෘට එල්ල කල මරණීය තර්ජනද අනාවරණය කරන ලදී.
මාධ්‍යවේදීන්ට මෙසේ තර්ජන එල්ල වන්නේ නම්, එසේ තර්ජනය කරන පුද්ගලයන්ගෙන් අනෙකුත් උදවියට කොතරම් හානියක් සිදුවන්නේද යන්න අමුතුවෙන් කිව යුතු නැත. කොපමණ තර්ජන ගර්ජන හෝ මරා දැමීම් හෝ අදාල සිද්දෙන් යට ගැසුවද මාධ්‍යකරණය නොනවතිනු ඇත. එසේම ඒවා දිනෙන් දින සමාජය තුල සජීවීකරණය වනු ඇත. සියලුම දෙනාම නීති රාමුව තුල සිටිමින් තම කටයුතු සිදු කරන්නේ නම් සියලුම දෙනා සතුටින් ජීවත් වනු ඇත. තර්ජන ගර්ජන කරන්නන් මතක තබා ගත යුත්තේ තමන්ගේ වැරදි සමාජයට නිරාවරණය වීමෙන් බියට හෝ තැති ගැන්මකට ලක් වීමෙන් ඒවා අනාවරණය කරන්නන් නොහොත් ඔවුන් වෙනුවෙන්ද පෙනී සිටින මාධ්‍යවේදීන් නිහඩ කිරීමෙන් හෝ උත්සාහ කිරීමෙන් තමන්ට යහපතක් නොවන බවයි.
අදාල අනෙකුත් පුවත්
https://www.ravanalankanews.lk/9382/02/%e0%b6%85%e0%b6%9c%e0%b7%8a%e0%b6%bb%e0%b7%8f%e0%b6%b8%e0%b7%8f%e0%b6%ad%e0%b7%8a%e0%b6%ba%e0%b7%80%e0%b6%bb%e0%b6%ba%e0%b7%8f-%e0%b6%a0%e0%b6%b8%e0%b7%94%e0%b6%af%e0%b7%92/07/12/
https://www.ravanalankanews.lk/9439/02/%e0%b6%a0%e0%b6%b8%e0%b7%94%e0%b6%af%e0%b7%92%e0%b6%ad%e0%b6%9c%e0%b7%9a-%e0%b6%86%e0%b6%bb%e0%b6%9a%e0%b7%8a%e0%b7%82%e0%b7%8f%e0%b7%80%e0%b6%a7-%e0%b6%ad%e0%b6%bb%e0%b7%8a%e0%b6%a2%e0%b6%b1%e0%b6%ba/31/18/