පොලිස් විශේෂ කාර්ය බළකායේ නිලධාරීන් විසින්, දකුණු පළාත භීතියට පත්කරමින් මනූෂ්‍ය ඝාතන රැසක් සිදුකරන ලද ප්රධාන පෙලේ අපරාධකරුවෙකුගේ ගෝලයෙකු හෙරොයින් මත්ද්රව්ය සමග දොඩන්ගොඩ අධිවේගී මාර්ගයේ පිටවීමේ දොරටුව ආසන්නයේ දී අත්අඩංගුවට ගෙන ඇති බව වාර්තාවේ.
මෙලෙස අත්අඩංගුවට ගෙන ඇත්තේ පයාගල ප්‍රදේශයේ පදිංචි වයස අවුරුදු 43 ක් වන පුද්ගලයෙක් වන අතර මොහු තංගල්ල පොලිස් බලප්‍රදේශයේදී මනුෂ්‍ය ඝාතනයක් සිදුකළ තුවක්කු කරු ප්‍රවාහනය කර ඇති බවට ද පොලිසිය සැකපළ කරයි.
පොලිසිය සදහන් කර ඇත්තේ අත්අඩංගුවට ගත් සැකකරු මහාපරිමාණ මත්ද්රව්ය ජාවාරම්කරුවෙකු ලෙස හා මෙරට ප්රධාන පෙලේ සංවිධානාත්මක අපරාධකරුවෙකු ලෙස හඳුනාගෙන ඇති මේවන විට විදේශගතව සිටින අම්බලන්ගොඩ දිල්ශාන් යන අයගේ ප්රධාන ගෝලයකු බවයි.
අත්අඩංගුවට ගත් සැකකරු සන්තකයේ තිබී හෙරොයින් ග්‍රෑම් 05යි මිලිග්‍රෑම් 600 ක්, කාර් රථයක්, දුරකථනයක්, ව්‍යාජ අංක තහඩු 02 ක් ද පොලිස් භාරයට ගෙන තිබේ.