ආණ්ඩුක්‍රම ව්‍යවස්ථාවේ 70 වන ව්‍යවස්ථාවෙන් පැවරී ඇති බලතල ප්‍රකාරව අතිගරු ජනාධිපතිතුමන් විසින් 2021.12.12 දින මධ්‍යම රාත්‍රියේ සිට බලපැවැත්වෙන පරිදි පාර්ලිමේන්තුවේ වාරාවසාන කිරීමට අදාළ අති විශේෂ ගැසට් නිවේදනය නිකුත් කර ඇත.
ඒ අනුව පාර්ලිම්න්තුවේ මීළඟ වාරය ආරම්භය 2022 වසරේ ජනවාරි මස 18 වන දින පෙරවරු 10.00 ට නියමිතව ඇති බව ද අදාළ ගැසට් නිවේදනයේ සඳහන් වේ.
වාර අවසාන කිරීම වශයෙන් සඳහන් වන්නේ පාර්ලිමේන්තුවේ කටයුතු සඳහා තාවකාලික විරාමයක් ලබාගැනීම වන අතර මෙහි දී කථානායකවරයා සිය ධූරයේ අඛණ්ඩව කටයුතු කළ යුතුව ඇත.
එමෙන් ම නව සැසිවාරයක් ආරම්භ වන විට තේරීම් කාරක සභා නැවත පත්කළ යුතුව ඇති අතර උසස් නිළ තල පිළිබඳව කාරක සභාව, වාර අවසාන කර ඇති අවස්ථාවක වුව ද අඛණ්ඩව ක්‍රියාත්මකය.