කන්ද උඩරටින් බිහි වූ මෙරට කෘතහස්ත දේශපාලන නායකයෙකු වූ දිවංගත ජෙනරාල් අනුරුද්ධ රත්වත්තේ මහතාගේ 85 වන ජන්ම දිනයට සමගාමීව පැවැත්වෙන විශේෂ සැමරුම් වැඩසටහන යටතේ සංවිධානය කරන ලේ දන් දීමේ කඳවුරක් අද (09) දින මහනුවර මහයියාව අනුරුද්ධ රත්වත්තේ මහතාගේ නිවසේදී පැවැත්වේ .
ජෙනරාල් අනුරුද්ධ රත්වත්තේ පදනම මගින් සංවිධානය කරන මෙම ලේ දන් දීමේ කඳවුර පෙරවරු 9.00 සිට පස්වරු 3.00 දක්වා පැවැත්වෙන අතර මහනුවර මහ රෝහල් ලේ බැංකුව මේ සදහා පූර්ණ දායකත්වය ලබා දෙයි.
රුධිරය අපේක්ෂාවෙන් පෙළෙන රෝගීන් සදහා මහඟු සත්කාරයක් ලෙස සංවිධානය කරන මෙම ලේ දන් දීමේ කඳවුරට එක් වී ජීවිතයක් බේරා ගැනීමේ උතුම් සද් කාර්‍යයට දායකත්වය ලබා දෙන ලෙස ජෙනරාල් අනුරුද්ධ රත්වත්තේ පදනම මහ ජනතාවගෙන් ඉල්ලීමක් කරයි.
සරත් සමරනායක