සැකකරුවෙකු බැලිමට කොළඹ රිමාන්ඩ් බන්ධනාගාරයේ අමුත්තන් පෙන්වන ස්ථානයට පැමිණි පුද්ලයෙකු සැකකරු වෙත ලබාදීමට රැගෙන ආ චොක්ලට් බිස්කට් පැකැට්ටුවේ සියළුම බිස්කට් තුළ ඉතා සුක්ෂම අයුරින් දුම්කොළ කැබලි සඟවා තිබියදී අත්අඩංගුවට ගත් බවට බන්ධනාගාර කොමසාරිස් ගාමිණි බී. දිසානායක පවසයි.
එම බිස්කට් පැකට්ටුව සැකකරුට ලබා දීමට යන අවස්ථාවේ දී සෝදිසි කිරීමේ රාජකාරි කළ බන්ධනාගාර හදිසි ප්‍රතිචාර උපක්‍රමික බලකා නිලධාරීන් විසින් අදාල පුද්ගලයාව අත්අඩංගුවට ගෙන තිබේ.
මෙම දුම්කොළ රැගෙන ආ පුද්ගලයා සහ එම දුම්කොළ බොරැල්ල පොලිසියට භාරදී ඇති අතර කොළඹ රිමාන්ඩ් බන්ධනාගාරයේ ද විමර්ශණයක් ආරම්භ කර ඇති බවත් බන්ධනාගාර කොමසාරිස් වැඩිදුරටත් පවසයි.