ශ්‍රී ලංකා අමරපුර නිකායේ එක්නැලිගොඩ පාර්ශවයේ සබරගමු පළාත් උප ප්‍රධාන සංඝනායක හා ධම්මජෝති වංශාලංකාර ධර්ම කීර්ති ශ්‍රී සුමංගල ගෞරව නාම සහිතව බලංගොඩ ශ්‍රී සංඝික මහා සුදර්මානාධිපති පූජ්‍ය අටවක්වෙල විජිතබෝධි නාහිමියන් හට පසුගිය දා තුඹගොඩ ශ්‍රී සංඝික මහා සුදර්මාරාමයේදී අක්‍රපත්‍ර ප්‍රධානය සිදු කරන ලදී.
රත්නපුර දිස්ත්‍රික් පාර්ලිමේන්තු මන්ත්‍රී ගාමිණී වලේබොඩ මහතා විසින් අක්‍රපත්‍ර ප්‍රධානය සිදු වූ අතර මෙම සම්භාවනීය අවස්ථාව සදහා පාර්ලිමේන්තු මන්ත්‍රී අකිල එල්ලාවල , රත්නපුර දිස්ත්‍රික් ලේකම් වසන්ත ගුනරත්න සහ බලංගොඩ ප්‍රාදේශීය ලේකම් ඇතුළු සම්භාවනීය අරාධිත අමුත්තන් රැසක් සහභාගී විය . එසේම බෞද්ධ ආගම නියෝජනය කරමින් සංඝයා වහන්සේලා විශාල ප්‍රමාණයක් ද ප්‍රදේශයේ අන්‍යාගමිකයන් නියෝජනය කරමින් හින්දු , කතෝලික සහ ඉස්ලාම් පූජකවරුන් ද මෙම අවස්ථාවට සහභාගී වී උන්වහන්සේට සුභාශිංසන එක් කළහ.
උන්වහන්සේගේ ජීවිත කතාව
සබරගමු පළාතේ රත්නපුර දිස්ත්‍රික්කයට අයත් ඉඹුල්පේ ප්‍රාදේශීය ලේකම් කොට්ඨාසයේ අටවක්වෙල නම් ග්‍රාමයේ උළුගල නමැති ගම් පියසේ අලංකාර කෙත්වතුවලින් හා රමණීය කදු වැටිවලින් වට වූ ඓතිහාසික වශයෙන් රාවණා යුගයට නෑකම් කියන ප්‍රභූ පවුලක පියා වන යාපිට මුදිහන්සේලාගේ කරුණාරත්න බණ්ඩාර සහ කනවින්න මොහොට්ටාලගේ ජයසුන්දර මැණිකේ කුමාරිහාමිට දාව උපන් පින්වත් කුමරුවන් වන යාපිට මුදිහන්සේලාගේ බෝධිනායක බණ්ඩාර 1976 වර්ෂයේ ජනවාරි මස පළමුවන දින ජන්මලාභය ලැබීය . මොහු පවුලේ වන වැන්නාය.
බෝධිනායක බණ්ඩාර නැමැති කුමරුවා මූලික අධ්‍යාපනය ලැබූයේ මැදහින්න ප්‍රාථමික විද්‍යාලයෙනි. වැඩි දුර න්අධ්‍යාපන කටයුතු සදහා අටවක්වෙල රතනපාල විද්‍යාලයට සහ මොරහැල බණ්ඩාරනායල විද්‍යාලයට ඇතුළත් විය .
අනාගත සංඝ ශෝබනත්වයෙන් වරම් ලැබ ජන්මය ලැබූ බෝධිනායක කුමරුවා ක්‍රි.ව. 1988 වර්ෂයේ දී අමරපුර නිකායේ එක්නැලිගොඩ විහාර පාර්ශවයේ රත්නපුර දිසාවේ ප්‍රධාන සංඝනායක කීර්ති ශ්‍රී සුමංගල අටවක්වෙල බෝධිසීහ නායකහිමි සහ මොරහැල සද්ධාමංගල ස්වාමීන්වහන්සේලා හට පැවිදි කිරීමට භාර විය .පසුව වසර දෙකකට ආසන්න කාලයක් සාමණේර බණ දහම් හදාරා ක්‍රි.ව.1990 ජුලි මස හතරවන දින අමරපුර මහා නිකායේ එක්නැලිගොඩ විහාර පාර්ශවයේ මහානායක ගගුල්විටියේ සුමංගර මාහිමි වෙතින් උතුම් පැවිදි බව ලැබීය.එතැන් සිට බෝධිනායක කුමරුවා විජිත බෝධි සාමණේරයාණන් වහන්සේ නම් විය.
විජිත බෝධි සාමණේරයාණන් වහන්සේ වැඩි දුර අධ්‍යාපනය හැදෑරීම සිදු කළේ බලංගොඩ ශ්‍රී ධර්මානන්ද පිරිවෙනෙන් සහ ගාල්ල වැහිහේනේ විද්‍යාශාන්ති මහා පිරිවෙනෙනි.අ.පො.ස .උසස් පෙළ විභාගයෙන් විශිෂ්ඨ
ලෙස සමත් වී කොළඹ විශ්ව විද්‍යාල වරම් ලබා එහිදී ශාස්ත්‍රවේදී උපාධියත් , බෞද්ධ හා පාලි විශ්ව විද්‍යාලයෙන් පශ්චාත් උපාධි පාඨමාලාව හදාරා ශාස්ත්‍රවේදී උපාධිය ද හිමි කරගනු ලැබීය.
විජිත බෝධී සාමණේරයාණන් වහන්සේ විශ්වවිද්‍යාලවල ඉගෙනුම ලබන කාලය අතරතුරේදී අධිශීල උපසම්පදාවට අවශ්‍ය බණ දහම් , විනය , ප්‍රාතිමෝක්ෂය , ශීලාධිහෙයි ප්‍රාගුණ්‍ය ලැබූ අතර අධිශීල සංඛ්‍යාත උපසම්පදා සීලයට පත් වූයේ තුඹගොඩ ශ්‍රී සංඝික මහා සුදර්මාරාම විහාරස්ථානයේ දීය .
එමෙන්ම ගගුල්විටියේ ශ්‍රී සුමංගල නාහිමිපාණන් වහන්සේ , කදන්ගොඩ සද්ධානන්ද නායක ස්වාමීන්ද්‍රයන් වහන්සේ , අටවක්වෙල බෝධිසීහ නායකහිමිපාණන් වහන්සේ , පලිගල නාරද හිමිපාණන්වහන්සේගේ ප්‍රධානත්වයෙන් ක්‍රි.ව.1987 ජුලි මස හය වන දින ශ්‍රි සංඝිත මහා සුධර්මාරමයේ විහාරානුබද්ධ ශීලාමලකයේදී අධිශීල සංඛ්‍යාත සුපරිශුද්ධ උපසම්පදාව ලබා ගත්හ.
ශාසනික , සමාජීය , ආයතනික සේවාවන් ආරම්භ කළ අතර විජිත බෝධි නාහිමිපාණන්වහන්සේ බලංගොඩ තුඹගොඩ ශ්‍රි සංඝිත මහා සුදර්මානාධිපති මොරහැර උඩවෙල ශ්‍රී විජයාරාමාධිපති දෙණගම පස්සරමුල්ල උපසිත් ජනපද බෝධිධම්ම නිකේතනයේ විහාරාධිපති , බලංගොඩ මොරහැල බණ්ඩාරනායක මහා විද්‍යාලයේ නියෝජ්‍ය විදුහල්පති ,ශාසන ශෝගන බුද්ධපුත්‍ර ගෞරව නාමයෙන්ද , වනවාසී වතුරවිල විහාර පාර්ශවයෙන් ධම්මධජ ගෞරව නාමයෙන්ද , මුළු දිවයිනටම සාම විනිසුරු ,බලංගොඩ එක්සත් සංගමයේ සභාපති , යූ ටියුබ් නාලිකාවක ආගමික උපදේශක ආදී විවිධ තනතුරුවලින් විජය බෝධී නායකහිමිපාණන් වහන්සේ පිදුම් ලැබීය.
එමෙන්ම නායකහිමිපාණන් වහන්සේ තනතුරු නම්බුනාමවලින් උදම් නොවන , නිරහංකාර , ආදර්ශමත් හික්ෂු චරිතයකි.එසේම අති දක්ෂ ගුරුවරයෙකි.වියත් ධර්ම කථිකයෙකි.ලොකු කුඩා සැමගේ ගෞරවයට පාත්‍ර වූවෙකි.බහුජාතික මෙන්ම බහු ආගමික පරිසරයක් තුළ සියලුම ජාතීන් සියලුම ආගමිකයන් සමග සහයෝගයෙන් හා සමගියෙන් කටයුතු කරන උතුම් ශීලවන්ත නායකහිමිනමකි.
දෙනගම උස්බිත් බෝධිධම්ම නිකේතනය , උඩවෙල ශ්‍රී විජයාරාමය ඇතුලු විහාරස්ථන රැසක් අංග සම්පූර්ණ කිරීමත් , සම්බුද්ධ ශාසනයට දායාද කරන්නට නායකහිමිපාණන් වහන්සේ මූලිකත්වය ගෙන කටයුතු කළහ .
