දෙරණ රුපවාහිනී නාලිකාවේ අලුත් පාර්ලිමේන්තුව යනු යම් යම් විශේෂ වැඩසටහන් ඉදිරිපත් කිරීමට මෙන්ම කාලීන මාතෘකා ඔස්සේ යම් යම් අනාවරණයන් කිරීමට උත්සාහ කරන වැඩසටහනකි. ඊයේ (08) පැවති අලුත් පාර්ලිමේන්තුව වැඩසටහන සදහා සහභාගී වී සිටියේ පොලිස් නිලධාරීන් මෙන්ම විශේෂ කාර්ය බලකා නිලධාරියෙකි. වැඩසටහන මෙහෙයවූ සංඛ අමරජිත්ගේ ප්‍රශ්න කිරීම් හමුවේ පොලිස් නිලධාරීන් සුදුහුණු ගා ගැනීමට උත්සාහ කලද ඔවුන් නටන්නේ එළිපිට බව අමතකව තිබුණි. එසේම පොලිස් නිලධාරින්ද තම අදහස් දැක් වුයේ සමස්ත ශ්‍රී ලංකාවේම සිටින්නේ නූගතුන් සේ සිතාගෙන බවය. එහිදී ප්‍රකාශ කෙරුණේද පහරදෙන විට ඔවුන්ගේ රැකියාව කුමක්ද යන්න සෙවිය නොහැකි බවයි.
එසේම මැයි මස 9 වැනිදා ප්‍රහාරයට වගකිව යුතු ඉහලම රාජ්‍ය නිලධාරියා බවට කියවෙන බස්නාහිර පළාත් ජෙෂ්ඨ නියෝජ්‍ය පොලිස්පති දේශබන්ධු තෙන්නාකෝන් මහතාද මෙම වැඩසටහනට සහභාගි වී සිටියේය. මේ සියලුම ප්‍රචණ්ඩ ක්‍රියා පොලිසිය සිදුකළේද ඔහුගේ නියෝගය මතය. එසේම මැයි මස 9 ප්‍රහාරයක් සිදුවන බව ඔහු දැන සිටි බව ඔහුම ප්‍රකාශ කළේය.
කෙසේ වෙතත් ඔවුන් ඉතාම වැදගත් කතාවක් ප්‍රකාශ කරමින් ඔවුන් මාධ්‍යවේදීන් බවට හදුනා ගැනීමට අවශ්‍ය ජැකට් ආදිය පැළදගෙන සිටියේ නම් එවැනි තත්වයන් ඇති නොවන බවද ප්‍රකාශ කළේය. කෙසේ නමුත් BBC මාධ්‍යවේදීන්ට පහරදීම, ඇතුළු ලංකාවේ ජනමාධ්‍යවේදීන්ට ඔවුන් පහර එල්ල්කලේම පොලිසියට සහ ආරක්ෂක අංශවලට තම ප්‍රචණ්ඩ නොහොත් නීතිවිරෝදී කටයුතු කරගැනීමට අවශ්‍ය නිසාමය. එබැවින් මෙම වැඩසටහනේදී ඔවුන් ලබා දුන් පිළිතුරුවලින්ම කියවෙන්නේ ඔවුන්ගේ
එම වැඩසටහනේදී මාද්‍යවේදීන්ට පහරදීම පිළිබදවද ප්‍රශ්න කල අතර තත්වයන් පාලනය කිරීම සඳහා පහර දුන් බව ඔවුන් ප්‍රකාශ කිරීම විශේෂත්වයකි. කෙසේ වෙතත් එම වැඩසටහනට සහභාගි වූ නිලධාරීන් පහරදීම් සිදුවීම ප්‍රතික්ෂේප නොකිරීමද විශේෂත්වයකි. ඔවුන් ප්‍රකාශ කලේ සිද්ධිමය කාරණා මත පහරදීම් සිදුවිය හැකි බවත් ඒවා විසදාගැනීම සඳහා අධිකරණයට යා යුතු බවත් ඔවුන් ප්‍රකාශ කළේය. කුමන සිද්ධිමය කාරණාවක් සිදු වුවත් එසේ ම්ලේච්ච ලෙස පහරදීමට, කැමරා කුඩුකිරීමට පමණක් නොව සාමන්‍ය ජනතාවට පහරදීමට ද පොලිසියට නීතිමය වශයෙන් බලයක් ලබා දී නැත. ශ්‍රී ලංකාව මේ තත්වයට පත් කරමින් ජනතා අරගලයක් දක්වාම සියල්ලම සිදුවන්නේ පොලිස් නිලධාරීන්ගේ පහරදීම් සහ නීතිවිරෝදී ක්‍රියා හේතුවෙනි. ඒවා සිදුවීමට පෙර මුල් කාලයේදීම් ඒවා වාර්තා කර තිබේ.
ශ්‍රී ලංකා පොලිසියේ සමහර නිලධාරීන්ගේ දේශපාලන ක්‍රියාකාරකම් නිසා මෙන්ම සමහර පොලිස් නිලධාරීන්ගේ නීතියට ගරු නොකිරීමේ ක්‍රියාවන් නිසා එම ආයතනයේ නිලධාරීන්ට පුද්ගලිකව නඩු පැවරීමටද බොහෝ දෙනෙකු කටයුතු කරමින් සිටි. කෙසේ වෙතත් පුද්ගලිකව පවරන නඩු මාස 3 ක් ඇතුලත පැවරිය යුතු අතර එහිදී වග උත්තරකරුවන්වන පොලිස් නිලධාරීන්ට පිළිතුරු ලබාදීම සදහා නීතිඥවරුන් ලබා ගත යුත්තේ පොලිස් නිලධාරීන්ගේ පෞද්ගලික මුදල්වලිනි.
ත්‍රස්තවිරෝදී පනත සහ ශ්‍රී ලංකාවේ පොලිස් නිලධාරීන්ගේ නීතිවිරෝදී ක්‍රියාවන් පිලිබඳව ලිපි මාලාවේ එක් ලිපියක් අප ඉදිරිපත්කර තිබේ. මෙම වැඩසටහන තුල පොලිස් නිලධාරීන් ඉදිරිපත්කල කරනාද සමග ඉදිරි ලිපිවලදී සම්පූර්ණ සම්පූර්ණ විග්‍රහයක් අප විසින් සකසමින් සිටී. එහිදී පුළුල් විග්‍රහයක් මෙන්ම නීතිමය තත්වයන්ද ඔබට ඉගෙන ගැනීමට හැකිය.