පොලිසියේ ‘යුක්තිය’ මත්ද්‍රව්‍ය විරෝධී මෙහෙයුම වහාම නතරකර, අත්තනෝමතික ලෙස රඳවාගෙන සිටින අය නිදහස් කරන ලෙස අයිතිවාසිකම් කණ්ඩායම් 28ක් ශ්‍රී ලංකාවෙන් ඉල්ලා සිටියි.
මෙම අයිතිවාසිකම් කණ්ඩායම්වලට ඇම්නෙස්ටි ඉන්ටර්නැෂනල් (ග්ලෝබල්), හියුමන් රයිට්ස් වොච් (ගෝලීය), අන්තර්ජාතික මත්ද්‍රව්‍ය ප්‍රතිපත්ති සම්මේලනය (IDPC) (ගෝලීය) සහ මත්ද්‍රව්‍ය භාවිත කරන පුද්ගලයන්ගේ අප්‍රිකානු ජාලය (අප්‍රිකානු NDP) ඇතුළත් වේ.
ශ්‍රී ලංකා අපරාධ අධිකරණ පද්ධතිය සහ සමාජය තුළ වෙනස් කොට සැලකීමට හා අපකීර්තියට පත්කෙරෙන මත්ද්‍රව්‍ය භාවිත කරන හෝ භාවිත කළ බවට සැකකෙරෙන පුද්ගලයන්ට එරෙහිව දැනටමත් දැඩි මර්දනයක් ක්‍රියාත්මක වන පසුබිමක, මෙම මෙහෙයුම දිගහැරෙමින් පවතින බව මෙම අයිතිවාසිකම් කණ්ඩායම්වල ප්‍රකාශයක් සඳහන් කරයි.
මූලික වශයෙන් දුගී සමාජ-ආර්ථික ප්‍රජාවන්ගේ පුද්ගලයන්ට එරෙහිව චෝදනා කරමින් අත්තනෝමතික ලෙස අත්අඩංගුවට ගැනීම්, වරෙන්තු හෝ සාධාරණ සැකයකින් තොරව සිදුකරන ලද සෝදිසි කිරීම් සහ එවැනි ක්‍රියා ප්‍රසිද්ධියට පත්කිරීම, මානව හිමිකම් උල්ලංඝනය කිරීම් ලෙස මෙම කණ්ඩායම විසින් හුවා දක්වනු ලබයි.
යුක්තිය මෙහෙයුම වහා නවත්වා සාක්‍ෂි හෝ සාධාරණ සැකයකින් තොරව අත්අඩංගුවට ගෙන සිටින පුද්ගලයන් නිදහස් කරන ලෙස ඔවුහු ඉල්ලා සිටිති.
නීතිඥ සහාය ලබාගැනීමට හැකියාවක් නොමැති, අත්අඩංගුවට ගත් පුද්ගලයන්ට නීති ආධාර ලබාදීමට රජය වගබලා ගත යුතු බවද එම සංවිධාන අවධාරණය කර ඇත. (ceylonwire)