අද (8) දින උදෑසන වස්කඩුව මුහුදේ දී ධීවර යාත්‍රාවක් අනතුරකට ලක්වීමෙන් ධීවරයකු අතුරුදහන්ව ඇතිබව වාර්තාවේ.
අතුරුදහන් වූ පුද්ගලයා තවත් දෙදෙනකු සමග ධීවර කටයුතු සදහා අද උදෑසන මුහුදු ගොස් ඇති අතර තුරදී මෙම අනතුරට මුහුණ දී තිබේ.
අනතුරින් දිවි බේරාගත් දෙදෙනකු කළුතර ශික්ෂණ රෝහලට ඇතුලත් කොට ඇති බව උතුරු කළුතර පොලිසිය සදහන් කරයි.
මෙලෙස අතුරුදහන්ව ඇත්තේ උතුරු කළුතර විලේගොඩ රෝසවත්ත ප්‍රදේශයේ පදිංචි 35 හැවිරිදි තිදරු පියකු වන නිශාන්ත සිල්වා නම් අයකු බව වාර්තාවේ.
යාත්‍රාවේ එන්ජිමේ ඇතිවූ දෝෂයක් මෙම අනතුරට හේතු වී ඇති බව පොලිසිය සදහන් කොට තිබේ.