නෙදර්ලන්තය පරදා සිංහයන් ඉදිරියටම.

ශ්‍රී ලංකා ක්‍රිකට් කණ්ඩායම 20යි 20 ලෝක කුසලාන තරඟාවලියේ නෙදර්ලන්ත පිළ පරදවා ලකුණු 16ක ජයක් ලබා ගැනීමට සමත්ව ඇත.

ඒත් සමග ශ්‍රී ලංකා කණ්ඩායම සුපිරි 12 දෙනා අතරට එක්වීමට සමත්ව ඇත.

කාසියේ වාසිය දිනාගත් ශ්‍රී ලංකා කණ්ඩායම ප්‍රථමයෙන් පන්දුවට පහරදෙමින් කඩුලු 06ක් දැවී ලකුණු 162ක් රැස්කළ අතර පිළිතුරු ඉනිම ක්‍රීඩා කළ නෙදර්ලන්ත කණ්ඩායමට රැස්කර ගත හැකි වූයේ ලකුණු 146ක් පමණි.

 ශ්‍රී ලංකා ඉනිම ඉහළින්ම ඔසවා තබමින් කුසල් මෙන්ඩිස් ලකුණු 79ක අගනා ඉනිමක් ක්‍රීඩා කළ අතර ඔහුගේ ඉනිම 6 පහර 05කින් සහ 04 පහර 05කින් අලංකාර විය.

චරිත් අසලංක ද පන්දු 30කදී ලකුණු 31ක් රැස් කිරීමට සමත් වූ අතර භානුක රාජපක්ෂ ලකුණු 19ක් රැස් කරන ලදී.

එමෙන්ම පන්දු යැවීමේ දී වනිදු හසරංග ශ්‍රී ලංකා පිළ වෙනුවෙන් කඩුලු 03ක් දවා ගත් අතර මහේෂ් තීක්ෂණ කඩුලු 02ක් දවා ගැනීමට සමත් විය.