කාබුල් අල්ලා ගැනීමෙන් සති තුනකට පසු ඇෆ්ගනිස්තානය අල්ලා ගැනීම අවසන් කරමින් පංෂීර් හි අවසාන බලකොටුව වූ විපක්ෂ බලවේග ජයග්‍රහණය කළ බව තලේබාන් සංවිධානය පවසයි.
“මෙම ජයග්‍රහණයත් සමඟ අපේ රට යුද්ධයේ මඩ ගොහොරුවෙන් මුළුමනින්ම ඉවත් කර ඇත” යනුවෙන් ප්‍රධාන ප්‍රකාශක සබිහුල්ලා මුජාහිඩ් සඳුදා (06) පැවසීය.
එසේම තලේබාන් විරෝධී ජාතික විරෝධතා පෙරමුණ (එන්ආර්එෆ්) පංෂීර් නිම්නයේ සටන ඉදිරියට ගෙන යන බවට පොරොන්දු වූ අතර එය “උපායමාර්ගික ස්ථානවල” පවතින බවත් “තලේබාන්වරුන්ට එරෙහි අරගලය අඛණ්ඩව” පවතින බවත් පැවසීය.
කාබුල් නගරය බිඳවැටීමෙන් පසු විරෝධතාවයට එක්වූ හිටපු උප ජනාධිපති අහමඩ් මසූඩ් සහ අම්රුල්ලා සලේහ් කොහේදැයි මේ වන තෙක් අනාවරණය වී නැත.
මේ අතර, ඇෆ්ගනිස්ථානයෙන් ඇමරිකාව ඉවත් වීමත් සමඟ ඇති වූ නොසන්සුන්කාරී වාතාවරණය පිළිබඳව සාකච්ඡා කිරීම සඳහා එක්සත් ජනපද රාජ්‍ය ලේකම් ඇන්ටනි බ්ලින්කන් කටාර් වලට පැමිණ ඇති බව ද අල් ජසීරා පුවත් සේවය පවසයි.