ඉන්දීය පන්ජාබ් හි ජනප්‍රිය නළු දීප් සිද්ධු රිය අනතුරකින් ජීවිතක්ෂයට පත්ව ඇත.
විදෙස් මාධ්‍ය වාර්තා කළේ ඔහු ගමන් ගත් ජීප් රථය ඉදිරියෙන් ගමන්කරමින් තිබූ ලොරි රථයක පසුපස ගැටීමෙන් එම අනතුර සිදුව ඇති බවයි.
එරට පොලිසිය පෙන්වා දුන්නේ පන්ජාබ් ප්‍රාන්තයේ භාතින්දා දක්වා ගමන් කරමින් තිබිය දී අධිවේගී මාර්ගයකදී මෙම අනතුර සිදුව ඇති බවයි.
මියයන විට ඔහු වයස අවුරුදු 38 වියෙහි පසුව ඇත.
ජනරජ දින විරෝධතා සංවිධානය කිරීම සම්බන්ධයෙන් පසුගිය දිනක ඔහු අත්අඩංගුවට ගැනීමත් සමග එරට තුළ ඔහු පිළිබඳ වැඩි අවධානයක් යොමුව තිබුණි.
