සබරගමුව පළාත් ගරු ආණ්ඩුකාර නවීන් දිසානායක මහතාගේ නියෝගයෙන් පවත්වන ලද අභ්‍යන්තර විගණනයකට සාක්ෂි ලබා දුන් ඇඹිලිපිටිය මහා විද්‍යාලයේ ප්‍රධාන ශිෂ්‍ය නායකයා වන 12 F හි ඉගෙන ගනු ලබන කවිඳු මදුශාන්ට ගුරුවරුන් කණ්ඩායමක් පාසල තුලදී තර්ජනය කර තිබේ.
එම තර්ජනය කිරීමට එරෙහිව මෙම ශිෂ්‍යයා ඇඹිලිපිටිය මුලස්ථාන ප්‍රධාන පොලිස් පරීක්ෂක දයාවංශ මහතා හට පැමිණිලිකිරීමෙන් අණතුරුව එහි ඉදිරි විමර්ශන සිදුකිරීම සදහා ඇඹිලිපිටිය මුලස්ථාන පොලිස් ළමා හා කාන්තා කාර්යාංශයේ ස්ථානාධිපති බැව් කියන පොලිස් පරීක්ෂක කැටකුඹුර නම් නිලධාරිනියක් වෙත යොමු කර තිබේ. එහිදී මෙම නිලධාරිනියද මෙම සිසුවා බිය වද්දවා තිබේ. අති දක්ෂ සිසුවෙක් බව කියවෙන මෙම සිසුවාට තර්ජනය කල ගුරුවරුන් ලෙස KV රංජිත්, ප්‍රියන්ත හේවගේ සහ රංජිත් ලසන්ත නමැති ගුරුවරුන් නම් කර තිබේ. පොලිස් ආරංචි මාර්ග සදහන් කරන්නේ මෙම ගුරුවරුන් තිදෙනා පවසන පරිදි තවත් ගුරුවරුන් කණ්ඩායමක් මෙම සිසුවාට තර්ජනය කර තිබෙන බවයි.
එසේම විදුහල්පති විසින් ඊයේ (08) උදෑසන ශිෂ්‍ය නායක රැස්වීමක් කැදවා “පාසලේ ත්‍රස්තවාදීන් තිදෙනකු සිටින බවත්, ඔවුන් පාසලෙන් ඉවත්කල යුතු බවත් ප්‍රකාශ කර තිබේ. විදුහල්පතිට එරෙහිව පොලිසි ගොස් පැමිණිලිකල ගුරුවරුන් තිදෙනකුගේ ද නම් ප්‍රකාශ කර තිබේ. ඒ අනුව මෙම විද්‍යාලය මේ වන විටත් නිල පාතාලයක් සේ ක්‍රියාත්මක වේ. එය සිදුකරන්නේ විදුහල්පති ඇතුළු කණ්ඩායම බව අප මීට පෙරත් පෙන්වා දී තිබේ. නීතියක්, මනුස්සකම් නැති තර්ජන ගර්ජන සහ කුට උපක්‍රම මගින් යම් රටක්, ආයතනයක් හෝ කණ්ඩායමක් හෝ පාලනය වන්නේ නම් ඉන් කියවෙන්නේ එහි ඇත්තේ අවිනීතිය බවයි. මෙම පාසලේ පරිපාලනයද එසේ වන අතර, එම පාසලේ පාතාල නායකයා විදුහල්පති වන අතර ගුරුවරුන් කණ්ඩායමක් සහ දෙමාපියන් එම පාතාල කණ්ඩායමේ සෙසු සාමාජිකයන් වේ. ඉන් සිදුවන්නේ තව නොබෝ දිනකින්ම තවත් දරුවන් කිහිපදෙනක් සහ දෙමාපියන්ද පොලිසී යාම හෝ විදුහල්පතිට පහර දීමක් හෝ ගුරුවරුන්ට පහර දීමයි. එය කවුරුන් කෙසේ සිදු කලත් එයට වග කිව යුත්තේ ද කොන්දක් නැති කලාප අධ්‍යාපන අධ්‍යක්ෂක, සබරගමු පළාත් අධ්‍යාපන ලේඛම් සහ පළාත් ලේඛම්වරයා වේ. ඔවුන්ට හොද කොන්දක් තිබේ. ඔවුන්ගේ එම කොන්ද ක්‍රියාත්මක වන්නේ දුෂණය වෙනුවෙන් පමණි. මෙවැනි සිද්ධීන් වලට ක්‍රියාත්මක නොවන නිසා ඔවුන් මීට පෙර සිදුකර තිබෙන විවිධ දුෂණ විශාල ප්‍රමාණයක් අප වෙත ලැබී තිබේ. අපට ඒවාද ඉදිරියේදී වාර්තා කිරීමට සිදු වේ.
අප මෙම ලිපිය ලියන අවස්ථාව වන විටත් මෙම විද්‍යාලයේ ගුරුවරුන් තිදෙනෙකු ඉවත් කිරීමට ගුරුවරුන්ගේ අත්සන් සහිත ලිපියක් සකසමින් තිබේ. එම ලිපිය අත්සන් කිරීමට ගුරුවරුන් දැඩි සේ විරුද්ධ වුවත් මේ වන විට අප ඉහතින් සදහන් කල KV රන්ජිත් නමැති ගුරුවරයා ගුරුවරුන්ගේ පස්සෙන් ගොස් එම ලිපියට අත්සන් ලබාගනිමින් සිටිති.
විගණන වාර්තාවට අනුව මෙම විදුහල්පතිවරයා වැරදිකරුවෙක් බව පළාත් සභා අභ්‍යන්තර ආරංචි මාර්ග වාර්තා කළේය. ඔහු වැරදිකරුවෙක් වුවත්, ආණ්ඩුකාරවරයාට සමීපව සිටින එක්සත් ජාතික පක්ෂයේ ඇඹිලිපිටිය ප්‍රදේශය සහ කොලොන්න ආසනය නියෝජන කරනා කිහිප දෙනෙකු නිසා මෙම විදුහල්පතිට එරෙහිව කිසිවක් නොවන බවටද, ආණ්ඩුකාරවරයා ලබා දෙන නියෝග එම කණ්ඩායම විසින් උපක්‍රමශීලීව නවත්වන බවටද චෝදනා එල්ල වේ. කෙස් නමුත් ආණ්ඩුකාර නවීන් දිසානායක මහතාට එරෙහිව තවමත් කිසිවෙක් චෝදනා ඉදිරිපත් නොකරයි.
මෙම ගුරුවන් සමග හෝ විදුහල්පති සමග අපට පුද්ගලිකව තරහක් හෝ බෙදාගැනීමට දෙයක් නැත. ඔවුන්ට වෙනත් අසාධාරණයක් වුවහොත් අපගේ ස්වාධීන මාධ්‍ය ආවරණය ඔවුන් වෙනුවෙන්ද ඒ අකාරයෙන්ම අප ලබා දෙනු ඇත. දරුවන්ට පවා අසාධාරණ සිදුවන ලෙස මෙම සිදුවීම් මාලාව සිදුවන්නේ ඇඹිලිපිටිය කලාප අධ්‍යාපන අධ්‍යක්ෂක, සබරගමු පළාත් හිටපු අධ්‍යාපන ලේඛම්වරිය, වර්තමාන අධ්‍යාපන ලේඛම්වරයාගේ මෙන්ම සබරගමු පළාත් ලේඛම්වරයාගේ අදුරදර්ශී, අක්‍රමවත්, අශිෂ්ඨ, නුගත් පාලනයේ ප්‍රතිඵලයක් ලෙසිනි. මුල සිටම පැමිණිලිවලට නිසි ලෙස ක්‍රියාත්මක වී නීතිය හරියටම ක්‍රියාත්මක නොකළ ඇඹිලිපිටිය මුලස්ථාන පොලිසියේ සමහර නිලධාරින්ද මෙයට වගකිව යුතුය. ( මුලස්ථාන පොලිස් පරික්ෂකවරයා නොවේ). කෙසේ නමුත් යම් දරුවෙක්, දෙමාපියෙක් හෝ ගුරුවරයෙකුට යම් හානියක් සිදු වුවහොත් එහි වගකීම ගත යුත්තේ අප ඉහතින් සඳහන් කල පුද්ගලයන් වේ. දරුවාගේ සිද්ධිය නිසි ලෙස හරියටම සිදුකරනා ලෙස ප්‍රධාන පොලිස් පරීක්ෂක දයාවංශ මහතා ළමා හා කාන්තා කාර්යාංශයට උපදෙස් දී තිබියදීත්, දරුවා බිය ගැන්වීමට කටයුතු කිරීම කණගාටුදායක වේ. මුලස්ථාන පොලිස් පරීක්ෂකවරයා වූ පලියට සියලුම දේවල් ඔහුම කළ යුතු නම් තවත් නිලධාරීන් ඇඹිලිපිටිය පොලිසියට අවශ්‍ය නොවේ.
මෙම පාසලේ තත්වය පිළිබදව අප දිගින් දිගටම පෙන්වා දුන්නේය. ඇඹිලිපිටිය මහා විද්‍යාලයේ සිද්ධීන් පිළිබදව අප වාර්තාකළ සියලුම පුවත් මේ වන විටත් සත්‍ය වී තිබේ. මෙම පාසලේ ප්‍රශ්න අවසන් වීමට නම් කළ යුතු දේවල් අප පෙන්වා දී තිබේ. විගණන වාර්තාවකින් වැරදි කරුවෙක් වීමට පෙරත් ඉන් පසුවත් කල යුත්තේ කුමක්ද යන්නද , එය කළ යුතු නීතිමය තත්වයද අප පෙන්වා දී තිබේ. එසේම මෙම දරුවාට තර්ජනය කල ගුරුවරුන්ගේ තත්වයද අප මීට පෙර වාර්තා කළේය. ඔවුන්ගේ නම් අප මීට පෙරද පෙන්වා තිබේ. මුල්ම අවස්ථාවේ ඔහු වෙනත් පාසලකට ස්ථාන මාරුකර හැරියේ නම් වර්තමානය උදා නොවන බව අප දිගින් දිගටම පෙන්වා දී තිබේ. මිනිසුන්ගේ ඉවසීමේ අවසානයේ අපරාධ සිදු වේ. සබරගමුව පළාත් පරිපාලනය මේ සිදුකරමින් තිබෙන්නේ ජනවාරි මාසයට පෙර යම් “බල අපරාධයක්” සිදුවන ලෙස කටයතු කරවීමයි.
මාධ්‍යවේදියා යනු රටේ මහජනයා වෙනුවෙන් පොදු මතයක් ප්‍රකාශ කල හැකි, අසාධාරණයක්, සත්‍යයත් වෙනුවෙන් මේ සමාජය ඉදිරියේ පෙනී සිටිය හැකි පුද්ගලයෙකි. ඒ අනුව ජනමාධ්‍ය ලෙස මේ මුළුමහත් සමාජය වෙනුවෙන්ම අප අපගේ වගකීම ඉටුකරනුයේ රාජ්‍ය බලධාරීන්ගෙන් මිනිස්සුන්ට සාධාරණය ඉටු කිරීමට අවශ්‍ය පහසුව වෙනුවෙනි. නමුත් බලධාරින්ද දුෂිත නම්, දිගින් දිගටම විනාශය සිදු වේ. රටට දුෂිත දරු පරපුරක් බිහිකරන්නේ මෙවැනි ගුරුවරුන් සහ විදුහල්පතිවරුන්ය. එය එසේ කිරීමට අනුබල දෙන්නේ ඔවුන්ගේම උසස් නිලධාරීන් සහ ශ්‍රී ලංකා පොලිස් දෙපාර්තමේන්තුවේ දුෂිත පොලිස් නිලධාරින්ය. (චායාරූපය අදාළ පාසලේ නොවේ)
අප මෙහි පහතින් දක්වා තිබෙන්නේ මෙම විද්‍යාලයේ ප්‍රශ්න වෙනුවෙන් ලියා තිබෙන ලිපි මාලාවයි. ලංකාවේ වෙනත් කිසිදු ප්‍රශ්නයක් වෙනුවෙන් අප මෙපමණ වාර්තා ලියා නැත. නමුත් සබරගමු පළාත් සභාවට අයත් බොහෝ ආයතනවල තත්වයන් පිළිබදව කිසිදු සාදාරන ක්‍රියාමර්ග ගැනීමට සබරගමු පළාත් රාජ්‍ය බලධාරීන් කටයුතු කර නැත. ක්ෂණිකව ක්‍රියාත්මක වූ එකම කටයුත්ත වුයේ වේලි ඔය මැදගම ආයුර්වේද රෝහලේ ප්‍රශ්නය පමණි. වෙනත් පලාත්වල මෙන්ම මධ්‍යම රජයට අයත් සියලුම ආයතනවල තිබෙන ගැටළු වෙනුවෙන් ලියා තිබෙන වාර්තාවලට ගත යුතු ක්‍රියාමාර්ග එම ආයතන බලධාරින් ගෙන තිබේ.
මෙම විද්‍යාලයේ දුෂණ පිළිබදව අප මීට පෙර වාර්තාකළ පුවත් –