රජයේ පාසල්වල හා රජයේ අනුමත පෞද්ගලික පාසල්වල 2023 වර්ෂයේ තෙවන පාසල් වාරයේ පළමු අදියර අදින් අවසන් වන බව අධ්‍යාපන අමාත්‍යංශය දැනුම් දී තිබේ.
ඒ අනුව තෙවන පාසල් වාරයේ දෙවන අදියර ලබන වසරේ පෙබරවාරි මස 01 වනදා ආරම්භ වන බව වාර්තා වේ .
2023 අධ්‍යයන පොදු සහතික පත්‍ර උසස් පෙළ විභාගය හේතුවෙන් මෙම දීර්ඝ පාසල් නිවාඩුව හිමිවන අතර උසස් පෙළ විභාගය ලබන ජනවාරි මස 4 වනදා සිට 31 වනදා දක්වා දිවයින පුරා මධ්‍යස්ථාන 2,298කදී පැවැත්වීමට නියමිතව තිබේ .