ඊයේ (08) පස්වරුවේ හම්බන්තොට කටුවන සියාරපිටිය මහා විද්‍යාලය ආසන්නයේ බඳින තුවක්කුවක් පත්තු වී එම පාසලේ 11 වැනි ශ්‍රේණියේ ඉගෙනුම ලබන සිසුවෙකුගේ පාදයට බරපතළ තුවාල සිදු වී ඇත.
එම අනතුර සිදුව ඇත්තේ පාසල් ක්‍රීඩාංගනයේදී යහළුවන් සමඟ ක්‍රිකට් සෙල්ලම් කරන අතරවාරයේ සෙල්ලම් කළ පන්දුව ක්‍රීඩාංගණය පිටුපස ඇති ප්‍රධාන මාර්ගයට යාබදව ඇති ඉඩමට යාම හේතුවෙන් එය රැගෙන ඒමට අදාළ සිසුවා ගිය අවස්ථාවේ එම ඉඩමේ අටවා තිබු බඳින තුවක්කුවක් පත්තු වී සිසුවාගේ දකුණු කකුලට බරපතල තුවාල සිදු වී ඇත.
අනතුරුව තුවාල ලැබූ සිසුවා ඇඹිලිපිටිය දිස්ත්‍රික් රෝහලට ඇතුලත් කර ඇති අතර අද (09) උදෑසන ශල්‍යකර්මයකට ද ලක් කර තිබේ.
මේ අතර ඉඩමේ හිමිකරු කටුවන පොලිසිය විසින් අත්අඩංගුවට ගෙන ඇත.