නුවරඑළිය බඹරකැලේවත්ත ප්‍රදේශයේදී බඹර ප්‍රහාරයකින් බේරීමට දිව යමින් සිටි පාසල් සිසුවකු මියගොස් ඇති බව වාර්තාවේ.
ඊයේ (20) සවස මෙම අනතුර සිදුව ඇති බවයි පොලීසිය සදහන් කර ඇත්තේ.
මියගිය සිසුවා තවත් සිසුන් තිදෙනකු සමග බඹරකැලේවත්ත කැලෑ ප්‍රදේශයකදී බඹර ප්‍රහාරයකින් බේරීමට දිවයාමේදී අදාළ සිසුවා ප්‍රපාතයකට ඇදවැටි තිබේ.
එම අවස්තාවේදී නුවරඑළිය පොලිසිය, ප්‍රදේශවාසීන් හා නුවරඑළිය නගරසභාව එක්ව දරුවා බේරාගෙන නුවරඑළිය රෝහලට ඇතුලත් කර ඇති නමුත් දරුවා මිය ගොස් ඇති බව වාර්තාවේ.
මෙම අනතුර හේතුවෙන් මෙලෙස මියගොස් ඇත්තේ එම ප්‍රදේශයේම පදිංචිව 16 හැවිරිදි පාසල් සිසුවෙකි.
මෙම මරණය සම්බන්ධයෙන් නුවරඑළිය පොලීසිය වැඩිදුර විමර්ශන සිදුකරනු ලබයි.