ඊයේ (21) දින කල්පිටිය – ආනවාසල ප්‍රදේශයේදී බීඩි කොළ සහ දුම්කුඩු තොගයක් රැගත් ලොරියක් සමග එහි සිටි සැකකරුවන් 3 දෙනෙක් නාවුක හමුදාව විසින් අත්අඩංගුවට ගත් බව වාර්තා වේ.
ලොරි රථයේ තිබී උර 8ක ඇසිරූ දුම් කොළ කිලෝ 129 ක් , උර 48 ක ඇසිරූ බීඩි කොළ කිලෝ 1508 ක් , උර 39 ක ඇසිරූ දුම්කොළ කැබලි කිලෝ 744 ක් නාවුක හමුදාව විසින් කල්පිටිය පොලීසියට භාර දී ඇති බව කියයි.
සැකකරුවන් තිදෙනා අද (22) කල්පිටිය අධිකරණය වෙත ඉදිරිපත් කිරීමට නියමිත බව වාර්තා වේ .