කටුනායක ගුවන්තොටුපොළේ දී රු.මිලියන 245ක් වටිනා කොකෝන් මත්ද්‍රව්‍ය තොගයක් සමග විදෙස් ජාතිකයෙකු අත්අඩංගුවට ගැනීමට රේගු මත්ද්‍රව්‍ය නාශක අංශය සමත්ව ඇත.
ශ්‍රී ලංකා රේගුව සඳහන් කළේ මෙම සැකකරු QR – 662 දරණ ගුවන් යානයෙන් කොලොම්බියාවේ සිට මෙරටට පැමිණ ඇති බවයි.
අදාළ සැකකරු මෙම මත්ද්‍රව්‍ය තොගය ෆැක්ස් යන්ත්‍ර සඳහා භාවිතා කරන කඩදාසි රෝල්වල සඟවාගෙන රැගෙනවිත් ඇති අතර එහි මත්ද්‍රව්‍ය කිලෝ ග්‍රෑම් 05ක පමණ ප්‍රමාණයක් තිබී සොයාගෙන ඇති බව වාර්තා වේ.
ශ්‍රී ලංකා රේගුව ප්‍රකාශ කළේ මෙසේ අත්අඩංගුවට ගැණුනු සැකකරු වැඩිදුර විමර්ශන කටයුතු සඳහා පොලිස් මත්ද්‍රව්‍ය නාශක කාර්යංශයට භාරදුන් බවයි.