ස්පාඤ්ඤයේ වැලෙන්සියා නගරයේ මහල් නිවාසයක ඊයේ (22) ඇති වූ විශාල ගින්නකින් සිව් දෙනකු මියගොස් තවත් 14 දෙනකු තුවාල ලබා ඇතැයි හදිසි සේවා නියෝජ්‍ය අධ්‍යක්ෂක ජෝර්ජ් සුවාරෙස් මහතා ප්‍රකාශ කළේය.
ගිනි නිවීමේ ට්‍රක් රථ 16 ක් යෙදවූ පසුවත් ගොඩනැගිල්ලේ ගින්න නිවීමට ගිනි නිවන භටයන්ට අපහසු වී ඇති අතර ඒ හේතුවෙන් ගිනි නිවන භටයන් ගොඩනැගිල්ලේ පිටත බිත්ති ශීත කිරීමට උත්සාහ කර ඇත.
ගින්න ඇති වූ ආකාරයට ඇතුළේ සිට ගින්න නිවීම සඳහා ගොඩනැගිල්ලට ඇතුළු වීමට ගිනි නිවන භටයන්ට නොහැකි වූ බවට නියෝජ්‍ය අධ්‍යක්ෂකවරයා පවසා තිබේ.
ගින්න මුළු ගොඩනැගිල්ල පුරා පැතිරෙද්දී සිරවූ පුද්ගලයන් එක් එක් තට්ටුවල තිබූ සඳළුතලවලින් එළියට ගැනීමට ගිනි නිවන භටයන් කටයුතු කර ඇති බව සදහන්.