යතුරුපැදියක් මාර්ගයෙන් ඉවතට පැන තාප්පයක ගැටී සිදුවූ අනතුරකින් තරුණයෙකු මියගොස් ඇති බවට කළුතර දකුණ පොලීසිය පවසයි.
අනතුරෙන් මියගොස් ඇත්තේ ,කළුතර කටුකුරුන්ද ප්‍රදේශයේ පදිංචිව සිටි ප්‍රවීන් විශ්වජිත් නැමැති 19 හැවිරිදි තරුණයෙකි.
මියගොස් ඇති තරුණයා කළුතර දෙස සිට හීනටියංගල දෙසට ගමන් කරමින් සිටියදී හීනටියංගල පාලම ආසන්නයේ දී වේගය පාලනය කරගත නොහැකිව අසල තිබූ තාප්පයක ගැටී මෙම අනතුර සිදුව තිබේ.
බරපතළ තුවාල ලබා සිටී තරුණයා 1990 සුවසැරියෙන් කළුතර නාගොඩ ශික්ෂණ රෝහලට රැගෙන ගොස් ඇති අතර, රෝහල් ගතකිරීමේදී මියගොස් ඇති බවට රෝහල් ප්‍රකාශකයෙක් පවසා තිබේ.
කළුතර දකුණ පොලීසිය වැඩිදුර පරීක්ෂණ පවත්වනු ලබයි.