පුස්සැල්ලාව පොලිස් බල ප්‍රදේශයට අයත් මාවෙල ගම්පොල මාර්ගයේ පස් කන්දක් සමඟ ගසක් කඩා වැටීමෙන් එම මාර්ගයේ රථ වාහන ධාවනයට බාධා එල්ලවී ඇති බව වාර්තා වේ .
මේ පිළිබඳව කරන ලද විමසීමකදී අදහස් දැක්වු පුස්සැල්ලාව පොලීසියේ නිලධාරියකු පවසන ලද්දේ ඊයේ (08) දින රාත්‍රියේ මෙම මාර්ගයේ අංක 431 බී දරණ නුගවෙල ප්‍රදේශයේදී මාර්ගයට මෙම පස් කන්දක් සමඟ ගසක් කඩා වැටීමෙන් එම මාර්ගයේ රථ වාහන ගමනාගමනයට බාධා එල්ලවී ඇති බවයි.
මෙම ප්‍රදේශයට පවතින වැසි තත්වයන් හේතුවෙන් මෙම පස් කන්ද සමඟ ගස මෙසේ මාර්ගයට කඩා වැටී ඇති බවත් , මාර්ගයට කඩා වැටී ඇති පස් හා ගස කපා ඉවත් කිරිමට මේ වන විට පියවර ගනිමින් සිටින බවත් එම නිලධාරියා වැඩි දුරටත් පැවසීය.