ගොඩකවෙල අම්මඩුව ශ්‍රී කුඩා කතරගම දේවාලයේ වාර්ෂික පෙරහැර මංගල්‍ය නිසි සෞඛ්‍ය මාර්ගෝපදේශයන්ට අනුගතව මේ දිනයන්හි පවත්වනු ලබන්නේ එම චාරිත්‍ර පමණක් ඉටු කරමින් ජනතාවගේ සහභාගීත්වයකින් තොරව ය.
ඊට සමගාමීව මිණිපුර දැව ව්‍යාපාරිකයින්ගේ එකමුතුව විසින් “නිල්ල පිරුණු රටක්-දැවමඩුවට හෙටක්” යන මාතෘකාව යටතේ එම දේවාල පරිශ්‍රයෙහි පැල සිටුවීමේ වැඩසටහනක් ද ක්‍රියාත්මක කර ඇත.
මෙම මිණිපුර දැව ව්‍යාපාරකයින්ගේ සංගමය විසින් මීට පෙරද මෙවැනි රුක් රෝපණ වැඩසටහන් ක්‍රියාත්මක කර ඇති අතර අම්මඩුව ශ්‍රී කුඩා කතරගම දේවාල පරිශ්‍රයේ සිදුකරන ලද පැල සිටුවීමේ අවස්ථාව සඳහා වත්මන් බස්නායක නිළමේ වන තැන්පත් ධීෂණ රොෂාන් ඉද්ධමල්ගොඩ මහතා ද සහභාගී වී ඇත.
එමෙන් ම මේ සඳහා මිණිපුර දැව ව්‍යාපාරිකයින්ගේ සංගමයේ සාමාජිකයින් පිරිසක් ද සහභාගී වී ඇත.
