පසු ගිය පෙබරවාරි පළමුවනදා කුමන්ත්‍රණයකින් බලය අල්ලා ගත් මියන්මාර හමුදාවට එරෙහිව එරට සෙවනැලි රජය “ මහජන ආරක්ෂක යුද්ධයක්” ප්‍රකාශයට පත් කර තිබේ.
රටේ සෑම අස්සක් මුල්ලක් නෑරම ‘මිලිටරි ත්‍රස්තවාදීන්ගේ පාලනයට එරෙහිව කැරලි ගසන ලෙස’ ජාතික සමගි රජය සියළුම පුරවැසියන්ගෙන් ඉල්ලා සිටි බව අල් ජශීරා පුවත් සේවය වාර්තා කර තිබේ.
ජෙනරාල්වරුන් විසින් බලයෙන් පහ කරන ලද තේරී පත් වූ ව්‍යවස්ථාදායකයින් විසින් පිහිටුවන ලද ජාතික සමගි රජයේ (එන්යූජී) වැඩබලන ජනාධිපති දූවා ලෂි ලා, අඟහරුවාදා ෆේස්බුක් හි පළ කළ වීඩියෝ පටයකින් මෙම ප්‍රවෘත්තිය නිවේදනය කළේය.
“ජනතාවගේ ජීවිතය හා දේපල ආරක්ෂා කිරීමේ වගකීම ඇතිව ජාතික සමගි රජය, මිලිටරි ජුන්ටාවට එරෙහිව මහජන ආරක්ෂක යුද්ධයක් ආරම්භ කළේය,” ඔහු පැවසීය.
මෙය මහජන විප්ලවයක් බැවින් මුළු මියන්මාරයේම සිටින සියළුම පුරවැසියන් රටේ සෑම අස්සක් මුල්ලක් නෑරම මින් ඕන්ග් හ්ලයිංගේ නායකත්වයෙන් යුත් හමුදා ත්‍රස්තවාදීන්ගේ පාලනයට එරෙහිව කැරලි ගැසූහ.
මියන්මාරයේ නව පාර්ලිමේන්තුව රැස්වීමට ආසන්නව තිබියදී ජේෂ්ඨ ජෙනරාල් මිං ඕන්ග් හෙයිං විසින් තේරී පත් වූ අවුන් සාන් සුචිගේ රජයෙන් බලය අල්ලා ගැනීමත් සමඟ මියන්මාරය නොසන්සුන් විය. මෙම කුමන්ත්‍රණය හේතුවෙන් පුළුල් විරෝධතා සහ සිවිල් අකීකරු ව්‍යාපාරයක් ආරම්භ වූ අතර එයට හමුදාව බලවත් ලෙස ප්‍රතිචාර දැක්වීය. පුද්ගලයින් 1000 කට වැඩි පිරිසක් මියගොස් ඇති අතර, දේශපාලන සිරකරුවන් සඳහා වූ ආධාර සංගමය පවසන පරිදි දහස් ගණනක් අත්අඩංගුවට ගෙන තිබේ.
මාරාන්තික මර්දනය අනෙක් අතට මිලිටරි පාලනයට, විශේෂයෙන් මියන්මාරයේ දේශසීමා තුළ, විරුද්ධවාදීන් ජනවාර්ගික සන්නද්ධ කණ්ඩායම් සමඟ එකතු වී ආපසු සටන් කිරීම සඳහා මහජන ආරක්ෂක බලකායන් (පීඩීඑෆ්) පිහිටුවීමට සන්නද්ධ ප්‍රතිරෝධයක් ඇති කර තිබේ. ප්‍රචණ්ඩ ක්‍රියා හේතුවෙන් දස දහස් ගණනක් අවතැන් වී ඇත.
බටහිර රටවල් සම්බාධක සහ ගිනිකොනදිග ආසියානු අසල්වැසියන්ගෙන් එල්ල වූ බලපෑම් නොතකා කැලඹීම් අවසන් කිරීමේ රාජ්‍ය තාන්ත්‍රික උත්සාහයන් බොහෝ දුරට සාර්ථක කර ගැනීමට නොහැකි වී තිබෙන බවද අල් ජශීරා පුවත් සේවය වාර්තා කර තිබේ.