නාවික හමුදාව විසින් ඊයේ (15) දින කල්පිටිය, සෙරක්කුලියාමුනෙයි ප්‍රදේශයේදී සිදුකල විශේෂ මෙහෙයුමකදී රුපියල් මිලියන 2 ක් පමණ වටිනා කේරළ ගංජා තොගයක් සමග සැකකරුවකු අත්අඩංගුවට ගෙන තිබේ.
නාවික හමුදාව සදහන් කරන්නේ සැකකරු සමග කේරළ ගංජා කිලෝග්‍රෑම් 7ක් හා ඩිංගි යාත්‍රාවක්ද අත්අඩංගුවට ගත් බවයි.
අත්අඩංගුවට ගත් සැකකරු කල්පිටිය ප්‍රදේශයේ පදිංචි වයස අවුරුදු 45 වන පුද්ගලයකු වන අතර සැකකරු හා මත්ද්‍රව්‍ය තොගය සමග ඩිංගි යාත්‍රාව ඉදිරි විමර්ශන කටයුතු සදහා කල්පිටිය පොලිසියට භාර දී තිබේ.