අද (14) බේරුවල ධීවර වරායෙන් ධීවර කටයුතු සඳහා පිටත්ව ගිය ධීවරයෙක් ඔහු ගමන්ගත් යාත්‍රාවෙන් මුහුදට වැටී අතුරුදන්ව ඇති අතර අදාළ ධීවර යාත්‍රාව මුහුදු සැතපුම් පහක් පමණ දුරක යාත්‍රා කරමින් තිබෙන විට එම ධීවරයා මුහුදට වැටී තිබේ.
වාර්තා වන ආකාරයට ඒ බව එම ධීවර යාත්‍රාවේ නියමුවා, එම ධීවර යාත්‍රාව හිමිකරු වෙත දැනුම් දී ඇති බවත්
ඉන් පසුව මෙම සිද්ධිය සම්බන්ධයෙන් එම යාත්‍රාවේ හිමිකරු හා අතුරුදන් පුද්ගලයාගේ පවුලේ ඥාතීන් බේරුවල නාවික හමුදා මධ්‍යස්ථානය හා බේරුවල පොලීසිය දැනුවත් කර තිබේ.
මේ වනවිට අතුරුදන් ධීවරයා සොයා මෙහෙයුම් ක්‍රියාත්මක බව වැඩිදුරටත් වාර්තා වේ.