2019 සිදු වූ පාස්කු ප්‍රහාරයට වගකීම ගැනීම වෙනුවට සහ ඔවුන්ට යුක්තිය ඉටු කිරීම වෙනුවට ජනාධිපති මෛත්‍රිපාල සේනානායක මහතා සිදුකලේ වමට ගැසීමය. ඔවුන් ලග තිබුනේම දේශපාලන ගේම් එකකි. එය මෙරට බුද්ධිමත් ජනතාව හදුනාගත්තේ එම කාලයේදීමය. ඔවුන්ගේ දේශපාලන ගේම් එකේ ප්‍රතිපලයක් ලෙස මෙරට අහිංසක සිවිල් වැසියන් ගනනාවක් මිය ගියේය.
මේ අතර 2019 වසරේ පාස්කු ඉරිදා ත්‍රස්ත ප්‍රහාරයක් එල්ල වීමට නියමිත බවට බුද්ධි තොරතුරු ලැබී තිබියදී ත් එය වළක්වා ගැනීමට පියවර නොගැනීම නිසා අදාළ බලධාරීන්ට විරුද්ධාව විශේෂ නඩු තීන්දුවක් ප්‍රකාශයට පත් විය. ඒ හිටපු ජනාධිපති මෛත්‍රීපාල සිරිසේන, හිටපු ආරක්ෂක ලේකම් හේමසිරි ප්‍රනාන්දු, හිටපු පොලිස්පති පූජිත් ජයසුන්දර, රාජ්‍ය බුද්ධි සේවයේ හිටපු ප්‍රධානී නිලන්ත ජයවර්ධන, හිටපු ජාතික බුද්ධි ප්‍රධානී සිසිර මෙන්ඩිස්, මූලික මිනිස් අයිතිවාසිකම් උල්ලංඝණය කර ඇතැයි ශ්‍රේෂ්ඨාධිකරණය තීන්දු කරන ලදී.
ඒ අනුව, හිටපු ජනාධිපති මෛත්‍රීපාල සිරිසේන මහතාට රුපියල් මිලියන 100ක් ද, හිටපු පොලිස්පති පූජිත් ජයසුන්දර සහ හිටපු රාජ්‍ය සේවයේ බුද්ධි ප්‍රධානී නිලන්ත ජයවර්ධන මහ්තාට රුපියල් මිලියන 75 බැගින් ද, හිටපු ආරක්ෂක ලේකම් හේමසිරි ප්‍රනාන්දු මහතාට රුපියල් මිලියන 50ක් ද, හිටපු ජාතික බුද්ධි ප්‍රධානී සිසිර මෙන්ඩිස් මහතාට රුපියල් මිලියන 10ක් ද සිය පුද්ගලික මුදල්වලින් වන්දි වශයෙන් ගෙවිය යුතු බවට නියම කර තිබේ.
එම සියලු මුදල් එකතු කර ඝාතනයට ලක් වූ එක් පුද්ගලයෙකු වෙනුවෙන් රුපියල් මිලියනය බැගින් රජය ගෙවිය යුතු බවට ත් නියෝග කළ අධිකරණය බරපතළ තුවාල ලැබූ පුද්ගලයකුට රුපියල් ලක්ෂ 5 බැගින් වූ වන්දි ගෙවන ලෙස ද නියෝග කර තිබේ.
තව ද රාජ්‍ය බුද්ධි සේවයේ හිටපු ප්‍රධානී නිලන්ත ජයවර්ධනට එරෙහිව මාස 6 ක් තුළ විනය පියවර ගන්නා ලෙස ද ශ්‍රේෂ්ඨාධිකරණය නියෝග කර තිබෙන අතර අදාළ කටයුතු වහා ම අධීක්ෂණය කර අධිකරණයට වාර්තා කරන ලෙස ද නීතිපතිවරයාට එහිදී නියෝග කර තිබේ.
ප්‍රහාරය වළක්වා ගැනීමට කටයුතු නොකිරීම තුළින් සිය මූලික මිනිස් අයිතිවාසිකම් උල්ලංඝණය වූ බව පවසමින් පාර්ශවකරුවන් විසින් ඉදිරිපත් කරන ලද පෙත්සම් 12ක තීන්දුව ප්‍රකාශයට පත් කරමින් අධිකරණය එම නියෝගය ලබා දී තිබේ.
අගවිනිසුරු ජයන්ත ජයසූරිය, බුවනෙක අලුවිහාරේ, එල්.ටී.බී. දෙහිදෙණිය, මුර්දු ප්‍රනාන්දු, එස්. තුරෙයිරාජා, ඒ.එච්.එම්.ඩී නවාස්, ශිරාන් ගුණරත්න යන මහත්ම මහත්මීන්ගේ සමන්විත සත් පුද්ගල ශ්‍රේෂ්ඨාධිකරණ විනිසුරු මඩුල්ල විසින් එම තීන්දුව ප්‍රකාශයට පත් කර තිබේ.
