යුක්තිය යටතේ ගතවු පැය 24 තුළ දිවයින පුරා සිදුකළ මෙහෙයුම්වලින් සැකකරුවන් 785ක් අත්අඩංගුවට ගෙන ඇති බව වාර්තා වේ.
මත්ද්‍රව්‍ය වැරදි සම්බන්ධ සැකකරුවන් 596ක් සහ අපරාධ අංශ වෙත යොමු කළ ලැයිස්තුවේ සිටි සැකකරුවන් 189ක් ඒ අතරට අයත්ය.
එම මෙහෙයුම්වලදී පහත පරිදි මත්ද්‍රව්‍ය ප්‍රමාණයන් අත්අඩංගුවට ගෙන ඇත.
හෙරොයින් මත්ද්‍රව්‍ය 128g
අයිස් මත්ද්‍රව්‍ය 115 g
ගංජා 08kg 626g
ගංජා පැළ 138,676
මාවා 57g 200 mg
මත්පෙති 34ක්
මදන මෝදක 125g
මත්ද්‍රව්‍ය වැරදි සම්බන්ධ අත්අඩංගුවට ගත් සැකකරුවන් 596 දෙනා අතරින් සැකකරුවන් 7 කට රැඳවුම් නියෝග මත වැඩිදුර විමර්ශන සිදුකරන අතර මත්ද්‍රව්‍යවලට ඇබ්බැහිවුවන් 4 ක් පුනුරුත්ථාපනය සඳහා යොමුකර තිබේ.
පොලිස් මත්ද්‍රව්‍ය නාශක කාර්යංශය සහ පොලිස් විශේෂ කාර්යංශයේ ලැයිස්තුවේ සිටි සැකකරුවන් 11 ක්ද අත්අඩංගුවට ගෙන තිබේ.
එසේම, අපරාධ අංශවෙත යොමු කළ ලැයිස්තුවේ අත්අඩංගුවට ගත් සැකකරුවන් 189 දෙනා අතරින් මත්ද්‍රව්‍ය වැරදි සම්බන්ධව විවෘත වරෙන්තු නිකුත්වී සිටි සැකකරුවන් 29 ක් සහ මත්ද්‍රව්‍ය නොවන වැරදි සම්බන්ධව විවෘත වරෙන්තුකරුවන් 155 ක්ද වන බව පොලීසිය පවසයි.
අපරාධවලට අවශ්‍ය කරන සැකකරුවන් 05 ක්ද මෙහෙයුම්වලදී අත්අඩංගුවට ගෙන ඇත.