ශ්‍රී ලංකාව සහ ඔස්ට්‍රේලියාව අතර පැවැත්වීමට නියමිත ක්‍රිකට් තරඟාවලියේ ශ්‍රී ලංකා කණ්ඩායමේ පන්දු යැවීමේ උපායමාර්ග පුහුණුකරු වශයෙන් ලසිත් මාලිංග පත්කර ඇති බව ශ්‍රී ලංකා ක්‍රිකට් ආයතනය සඳහන් කරයි.
තරඟ 05කින් යුක්ත ඔස්ට්‍රේලියාව සමග පැවැත්වෙන විස්සයි විස්ස ක්‍රිකට් තරඟාවලි සදහා සහභාගී වන ශ්‍රී ලංකා සංචිතය ද අද (26) නිවේදනය කර ඇත.
ඒ අනුව දෙරට අතර පැවැත්වීමට නියමිත විස්සයි විස්ස තරඟාවලිය පෙබරවාරි මස 11 වනදා පැවැත්වීමට නියමිතව ඇත.
විස්සයි විස්ස සංචිතයට ක්‍රීඩකයින් 20 දෙනෙකු ඇතුළත් වන අතර එහි නායකත්වය දසුන් ශානකත්, උපනායකත්වය චරිත් අසලංක විසිනුත් දරනු ලබයි.