අද (29) සිට රුසියාවේ “ රෙඩ් වින්ග්ස්” ගුවන් සේවය ශ්‍රී ලංකාව දක්වා ගුවන් ගමන් ආරම්භ කරන බව සිවිල් ගුවන් සේවා අධිකාරිය ප්‍රකාශ කරයි.
ඒ අනුව අද (29) දිනයේ මත්තල රාජපක්ෂ ජාත්‍යන්තර ගුවන්තොටුපොළ වෙත “රෙඩ් වින්ග්ස්” ගුවන් සේවයට අයත් යානයක් පැමිණීමට නියමිත බව සිවිල් ගුවන් සේවා අධිකාරිය ප්‍රකාශ කළේය.
අද සිට ආරම්භ වන මෙම ගුවන් සේවය සතියකට දෙවරක් ශ්‍රී ලංකාව වෙත ගුවන් ගමන් සිදු කිරීමට නියමිත බව ද වාර්තා වේ.
සිවිල් ගුවන් සේවා අධිකාරියේ සභාපති උපුල් ධර්මදාස ප්‍රකාශ කළේ මෙම ගුවන් යානයෙන් රුසියානු සංචාරකයින් 404 දෙනෙකු මෙරටට පැමිණෙන බවයි.
එමෙන්ම මෙම “රෙඩ් වින්ග්ස්” ගුවන් සේවය මෙරටට ගුවන් ගමන් ආරම්භ කිරීමත් සමග මේ වන විට රුසියාව හා ශ්‍රි ලංකාව අතර ක්‍රියාත්මක සෘජු ගුවන් සේවා සංඛ්‍යාව 03ක් ලෙස සටහන් වේ.