සෞදි අරාබියේ අල් නසාර් ක්‍රීඩා සමාජය සමග පෘතුගාල පාපන්දු කණ්ඩායමේ නායක ක්‍රිස්ටියානෝ රොනාල්ඩෝ ගිවිසුමකට එළඹ ඇත.
ඒ අනුව රොනාල්ඩෝ එම ක්‍රීඩා සමාජය සමග 2025 වර්ෂය තෙක් ගිවිසුම් ගතව ඇති බවයි විදෙස් මාධ්‍ය වාර්තා ප්‍රකාශ කළේ.
එමෙන්ම මෙම ගිවිසුමට අනුව ඔහුට ඉතිහාසයේ ක්‍රීඩකයෙකුට හිමිවන වැඩිම වැටුප වන බ්‍රිතාන්‍ය පවුම් මිලියන 177ක් වාර්ෂිකව හිමිවන බවයි වාර්තා වන්නේ.
කෙසේ නමුත් රොනාල්ඩෝ ප්‍රකාශ කර ඇත්තේ නව ක්‍රීඩා සමාජය සමග කටයුතු කිරීමට තමන් දැඩි උනන්දුවකින් පසුවන බවයි.