කොළඹ ආර්.ප්‍රේමදාස ක්‍රීඩාංගනයේ දී 2021 ලංකා ප්‍රීමියර් ලීග් තරඟය අද (05) ආරම්භ වීමට නියමිතව ඇත.
ඒ අනුව තරඟාවලියේ ආරම්භය ලබා ගනිමින් පිටියට පිවිසෙන්නේ ජැෆ්නා කිංග්ස් කණ්ඩායම සහ ගෝල් ග්ලැඩියේටර්ස් කණ්ඩායමයි.
එමෙන් ම මෙවර කොවිඩ් මර්දන එන්නත් දෙකම ලබාගත් ක්‍රීඩාලෝලීන් සඳහා තරඟය නැරඹීමේ අවස්ථාව ද ලබා දීමට තරඟ සංවිධායකයින් තීරණය කර ඇත.
කෙසේ නමුත් ක්‍රීඩාංගන ප්‍රේක්ෂක ධාරිතාවයෙන් 50%ක් පමණ ප්‍රමාණයකට පමණක් මෙලෙස සහභාගී විමේ හැකියාව පවතියි.
ඒ සඳහා අවශ්‍ය ප්‍රවේශ පත්‍ර කොළඹ ශ්‍රී ලංකා මූලස්ථානයේ තිබෙන ප්‍රවේශපත් කවුලුවෙන් පෙ.ව.09.00 සිට ප.ව.05.00 දක්වා ලබා ගැනීමේ හැකියාව පවතියි.