2023 විස්සයි 20 කාන්තා ලෝක කුසලාන ක්‍රිකට් තරගාවලිය දකුණු අප්‍රිකාවේදී පැවැත් වීමට නියමිත අතර එහිදී ශ්‍රී ලංකා කාන්තා ක්‍රිකට් කණ්ඩායම හා අයර්ලන්ත කණ්ඩායම අතර අද (6) පැවති පළමු පුහුණු තරගයේදී ශ්‍රී ලංකා කණ්ඩායම ලකුණු 2 ක තියුණු ජයක් ලබා ගැනීමට සමත් වී තිබේ.
ශ්‍රී ලංකා කාන්තා කණ්ඩායම පන්දු ඕවර 20 කදී කඩුලු 5 ක් දැවී ලකුණු 149 ලබාගත් අතර ජයග්‍රහණය සඳහා ලකුණු 150 ක ඉලක්කය හඹාගිය අයර්ලන්තය කණ්ඩායමට ඕවර 19 පන්දු 5 කදී සියලු දෙනා දැවී ලබාගත හැකි වුයේ ලකුණු 147 පමණි.
ශ්‍රී ලංකා කණ්ඩායම විනුවෙන් හර්ෂිතා සමරවික්‍රම ලකුණු 56 ද චමරි අතපත්තු ලකුණු 27 ක් හා විශ්මි ගුණරත්න ලකුණු 36 ලබාගත් අතර අයර්ලන්තය වෙනුවෙන් ලයුරා ඩිලනි ලකුණු 20 ට කඩුලු 3 ක් බිද හෙලන ලදී.
අයර්ලන්ත කණ්ඩායම වෙනුවෙන් අර්ලිනි කෙලි ලකුණු 30 ක් ද ගබි ලුවිස් ලකුණු 38 හා ලයුරා ඩිලනි ලකුණු 21 ලබා ගත් අතර ශ්‍රීලංකාව වෙනුවෙන් ඕෂදී රණසිංහ ලකුණු 22 ට කඩුලු 3 ක් හා ඉනෝකා රණවීර ලකුණු 26ට කඩුලු 3ක් බිද හෙලන ලදී
