ශ්‍රීමත් ඩොනල්ඩ් බ්‍රැඩ්මන් භාවිතා කරන ලද පිත්තක් ලොව වැඩිම වටිනාකමක් සහිත ක්‍රිකට් පිත්ත වශයෙන් පත්ව ඇත.
මාර්ගගත ක්‍රමය ඔස්සේ පවත්වන ලද වෙන්දේසියක දී එම ක්‍රිකට් පිත්ත ඩොලර් 245,500කට හෙවත් ශ්‍රී ලංකා මුදලින් රුපියල් කෝටි 5කට ආසන්න මුදලකට වෙන්දේසි වීමත් සමග එය වටිනාම ක්‍රිකට් පිත්ත බවට පත්ව ඇත.
ශ්‍රීමත් ඩොනල්ඩ් බ්‍රැඩ්මන් විසින් 1934දී අළු බඳුන ටෙස්ට් තරඟාවලිය සඳහා භාවිතා කරන ලද ක්‍රිකට් පිත්ත මෙලෙස ලෝකප්‍රකටව ඇති අතර එහි ඇති තවත් විශේෂත්වයක් වන්නේ එහි පසුපස ඔහු විසින් සටහනක් තබා තිබීමයි.
එම සටහනේ ඔහු දක්වා ඇත්තේ හෙඩිංලි හිදී ලබාගන්නා ලද ලකුණු 304 සහ ඕවල් ක්‍රීඩාංගනයේ දී රැස්කළ ලකුණු 244 පිළිබඳවයි.
මෙම ලකුණු සංඛ්‍යාව ඔහු රැස්කරන ලද වැඩිම ලකුණු සංඛ්‍යාව ලෙස වාර්තා වේ.