ලොව විශාලතම බහාලුම් නෞකාව කොළඹ වරායට

ඊයේ (05) රාත්‍රියේ ලොව විශාලතම බහලුම් නෞකාව ලෙස සලකන “EVER ACE” නෞකාව කොළඹ වරායට සේන්දු වී ඇත.

විශාලත්වයෙන් ප්‍රමුඛ ස්ථානයක් ගන්නා මෙම නෞකාවට ගමන් කළ හැක්කේ කොළඹ වරාය ඇතුලුව ලෝකයේම වරායන් 24කට පමණක් වීම තවත් විශේෂත්වයකි.

“EVER ACE” නෞකාව කොළඹ වරායට ඊයේ දිනයේ සේන්දු වී ඇත්තේ කොළඹ වරායට පැමිණි මංගල ගමන එය වශයෙන් සනිටුහන් කරමින් බවයි වරාය අධිකාරිය සඳහන් කරන්නේ.

 එමෙන්ම මෙම අවස්ථාව ශ්‍රී ලංකා වෙළෙඳ ඉතිහාසයේ සුවිශේෂි සංධිස්ථානයක් බවද වරාය අධිකාරිය විසින් සඳහන් කර ඇත.