අද (21) අලුයම් කාලයේ තඹුත්තේගම තිස්පනේපුර, රන්වන්තලාගම ප්‍රදේශයේදී වන අලියකුගේ පහරදීමෙන් කාන්තාවක් මියගොස් ඇති බව වාර්තාවේ.
මිය ගිය කාන්තාව අද අළුයම 5.20 ට පමණ උදෑසන ආහාර පිසිමින් සිට, යම් කටයුත්තක් සඳහා නිවසින් පිටතට පැමිණ ඇති අතර එම අවස්ථාවේ මෙලෙස වන අලි ප්‍රහාරයට ලක්ව ඇති බව සඳහන් වේ.
වන අලියාගේ පහරදීම හේතුවෙන් බරපතල තුවාල ලැබූ කාන්තාව නිවැසියන් විසින් තඹුත්තේගම රෝහලට ඇතුළත් කොට ඇති අතර ඒ වන විටත් ඇය මියගොස් සිටි බව රෝහල් ආරංචි මාර්ග සඳහන් කර තිබේ.
වන අලි ප්‍රහාරයෙන් මෙලෙස මියගොස් ඇත්තේ ශ්‍රියානී මල්කාන්ති නමැති එම ප්‍රදේශයේම පදිංචි 63 හැවිරිදි කාන්තාවකි.