පොලිස් විශේෂ කාර්යය බලකාය විසින් අයිස් මත්ද්‍රව්‍ය සමග වයෝවෘද්ධ කාන්තාවක් අත්අඩංගුවට ගෙන ඇත.
කොළඹ 15 බ්ලූමැන්ඩල් පාර ප්‍රදේශයේ දී පොලිස් විශේෂ කාර්යය බලකාය විසින් සිදුකරන ලද වැටලීමකදී අදාළ කාන්තාව සමග මෙම මත්ද්‍රව්‍ය අත්අඩංගුවට ගැනුනු බව වාර්තා වේ.
මෙසේ අත්අඩංගුවට ගැනුනු කාන්තාව වයස අවුරුදු 63ක් පමණ වන මාදම්පිටිය පාර කිඹුලා ඇල ප්‍රදේශයේ පදිංචිකාරියක බව වාර්තා වේ.
අදාළ වැටලීමෙන් අයිස් මත්ද්‍රව්‍ය ග්‍රෑම් 52ක් පොලිස් විශේෂ කාර්යය බලකාය විසින් කාන්තාව සතුව තිබී සොයාගෙන ඇත.
මේ වන විට අනාවරණය වී ඇත්තේ එම සැකකාරිය සංවිධානාත්මක අපරාධ සහ මහා පරිමාණ මත්ද්‍රව්‍ය ජාවාරම්කරුවෙකු වන දැනට විදේශගතව සිටින “කිඹුලා ඇලේ ගුණා” නැමැත්තාගේ මෙරට මත්ද්‍රව්‍ය හා පාතාල ක්‍රියාකාරකම් මෙහෙයවන බන්ධනාගාරගතව සිටින “රත්නම් රංජිත්” නොහොත් “ ගෝරිල්ලා රංජි” ලෙස හඳුන්වන පුද්ගලයාගේ මව බවයි.
අත්අඩංගුවට ගැනුනු සැකකාරිය වැඩිදුර විමර්ශන කටයුතු බ්ලූමැන්ඩල් පොලිස් ස්ථානය වෙත භාර දී ඇත.