වැල්ලම්පිටිය පොලිස් වසමේ කොටුවිල ප්‍රදේශයේදී යතුරු පැදියකින් පැමිණි නාදුනන පුද්ගලයින් දෙදෙනෙකු විසින් පුද්ගලයකුට වෙඩ් තබා පලාගොස් ඇති බවට වාර්තා වේ.
පොලිස් මාධ්‍ය කොට්ඨාසය සදහන් කළේ ඊයේ (07) රාත්‍රියේ වෙඩ්තැබීමෙන් 28 හැවිරිදි වැල්ලම්පිටිය ප්‍රදේශයේ පුද්ගලයකු තුවාල ලැබූ බවද ඔහු කොළඹ ජාතික රෝහලට ඇතුලත් කල බවයි.
වෙඩ්තැබීම සදහා ටී 56 ගිනි අවියක් භාවිත කර ඇති බව සහ විදේශගතව සිටින අයෙකු විසින් මෙම වෙඩ්තැබීම මෙහෙයවා ඇති බවද සැකකරුවන් අත්අඩංගුවට ගැනීමට වැල්ලම්පිටිය පොලිසිය වැඩිදුර විමර්ශණ සිදු කරන බව ද වාර්තා වේ.