පවතින දැඩි වියලි කාලගුණය හේතුවෙන් දිවයින පුරා පිහිටි බොහෝ වැවුවල ජලය ඉතා සීග්‍රයෙන් පහල බැස තිබේ. එලෙස තලාව කුමාරඑලිය ගම්මානයේ පිහිටි වැවේද ජලය සිදී ඇති ස්ථානයක තිබී ජීව අත්බෝම්බයක් හමුවී ඇති බව වාර්තාවේ.
එය විදෙස් රටක නිෂ්පාදිත ජීව අත්බෝම්බයක් ලෙසයි සදහන් වන්නේ.
ජලය සිදී ගිය වැව හරහා ගමන් කරමින් සිටි දරුවකු මෙම ජීව අත්බෝම්බය දැක ඔහු තම පියාට පවසා ඇති අතර පියා විසින් පොලිසිය දැනුවත් කිරීමටයි පියවර ගෙන ඇත්තේ.
අධිකරණයට කරුණු දැක්වීමෙන් අනතුරුව එම අත්බෝම්බය පොලිස් විශේෂ කාර්යබලකා නිලධාරීන් විසින් නිෂ්ක්‍රීය කිරීමට නියමිතබව සදහන්වේ.