අධික වැසි සහිත කාලගුණය හේතුවෙන් උඩදුම්බර පොලිස් වසමේ හුන්නස්ගිරිය ප්‍රදේශයේ සිට ගුරුළුපොත දක්වා ගමන් ගන්නා ප්‍රධාන මාර්ගය මීදුමෙන් වැසී ඇති බවට පොලීසිය රියදුරන්ට දැනුම් දී ඇති බව වාර්තා වේ.
මෙම මාර්ගයේ මීදුම නිසා රථවාහන පැහැදිලිව නොපෙනෙන තත්ත්වයක් පවතින බවද පොලීසිය පවසයි.
වංගු සහ බෑවුම් සහිත මෙම මාර්ගයට විකල්ප මාර්ග නොමැති බැවින් දැඩි අවධානයකින් යුතුව රථවාහන ධාවනය කරන ලෙසට පොලීසිය වැඩිදුරටත් රියදුරන්ගෙන් ඉල්ලා සිටී.
